محکمہ موسمیات نے آئندہ دو روز کے دوران مزیدبارش ہونے کی پیش گوئی کردی

بدھ 1 اپریل 2015 21:43

راولپنڈی(اُردو پوائنٹ اخبار تازہ ترین۔یکم اپریل۔2015ء)محکمہ موسمیات نے آئندہ دو روز کے دوران مزیدبارش ہونے کی پیشن گوئی کردی،بارش اورسردہواؤں کے باعث راولپنڈی ،اسلام آباد سمیت بیشترعلاقوں میں سردی کی لہرلوٹ آئی،سرد کپڑے ایک بار پھر سے باہرنکال لیے گئے، شہریوں کی بڑی تعداد موسم کے مزے لوٹنے لگی،پکوان پکناشروع ہوگئے،بچے بڑے سب بارش کامزہ لینے لگے۔

(جاری ہے)

راولپنڈی ،اسلام آبادسمیت کشمیر ،لاہور،گلگت بلتستان سمیت دیگرعلاقوں میں بھی وقفے وقفے سے بارش اورسردہواؤں کاسلسلہ جاری رہا،جس پرمحکمہ موسمیات نے مزیددو روز کے دوران بیشتر علاقوں میں تیز ہوایں کے ساتھ مزید بارش ہونے کی اطلاع دے دی ،دوسری جانب اپریل کے آغازپر بارشوں اورسردہواؤں کاسلسلہ شہریوں کے لئے غیرمتوقع ثابت ہوا،گرمی سے دل ہارے ہوئے شہری بارش سے لطف اندوزہونے لگے۔

Facebook Twitter Google + Share on Whatsapp

محکمہ موسمیات نے آئندہ دو روز کے دوران مزیدبارش ہونے کی پیش گوئی کردی

مزید موسم کی خبریں