فوج امت مسلمہ کا اثاثہ، کسی مسلم ملک پر حملہ میں شرکت سنگین غلطی ہو گی‘ داخلی مسائل حل کرنے کی دانش سے محروم حکمرانوں پر انحصار نہ کیا جائے، فوج یمن مسئلہ پر لائحہ عمل دے ،حکمرانوں نے اپنی نااہلی سے سعودیہ کو بھی متنازعہ بحث کا موضوع بنا دیا،پارلیمنٹ میں تماشا ہو رہا ہے،مکہ، مدینہ کی حرمت جان سے زیادہ عزیز، سیاسی مسائل کو مسلک سے الگ رکھا جائے
منگل 7 اپریل 2015 22:42
لاہور(اُردو پوائنٹ اخبار تازہ ترین۔07 اپریل۔2015ء) پاکستان عوامی تحریک کے سربراہ ڈاکٹر طاہر القادری نے کہا ہے کہ حکمرانوں نے اپنی نااہلی سے دوست برادر اسلامی ملک سعودی عرب کو بھی متنازعہ بحث کا موضوع بنا دیا، پاک فوج امت مسلمہ کا اثاثہ ہے، کسی مسلم ملک پر حملہ میں شرکت سنگین غلطی ہو گی، مکہ اور مدینہ کی حرمت جان سے زیادہ عزیز ہے تاہم سیاسی مسائل کو مسلک اور عقیدے سے الگ رکھا جائے، یمن کے مسئلہ پر حکومت پر انحصار نہ کیا جائے، پارلیمنٹ میں صرف تماشا ہورہا ہے، حکمرانوں کو پورا سچ بولنے کی عادت نہیں۔
قوم کو فوج کے سپہ سالار پر اعتماد ہے وہ یمن کے مسئلہ پر قوم کو اصل حقائق اور لائحہ عمل کے بارے میں آگاہ کریں۔وہ منگل کوپاکستان عوامی تحریک کی سنٹرل ایگزیکٹو کونسل کے اجلاس سے ٹیلیفون پر براہ راست خطاب کر رہے تھے ۔(جاری ہے)
ڈاکٹر طاہر القادری نے کہا کہ حکمرانوں کی بلاسوچے سمجھے بیان بازی کی وجہ سے شکوک و شبہات نے جنم لیا اور اس حکومتی رویے کے باعث یمن میں مقیم پاکستانیوں کے جان و مال کو بھی سنگین خطرات لاحق ہوئے جو بدستور قائم ہیں، انہوں نے کہا کہ حکمران سعودی عرب کی مدد اور یمن کے مسئلہ پر کتنے سنجیدہ ہیں اس کا اندازہ قوم کو پارلیمنٹ کے مشترکہ اجلاس کی پہلے دن کی کارروائی سے بخوبی ہو چکا ہے، حالات کتنے بھی سنگین ہوں موجودہ حکمران اپنی ذات کے خول سے باہر نہیں نکلتے اور نہ ہی ان میں دور تک دیکھنے کی صلاحیت اور اہلیت ہے۔
انہوں نے کہا کہ یمن خانہ جنگی کا شکار ہے، سعودی عرب، پاکستان، ایران، ترکی سمیت تمام بااثر اسلامی ممالک کو ملکر تمام متحارب فریقین کو ایک میز پر بٹھانا چاہیے اور مذاکرات کے ذریعے مسائل کا حل ڈھونڈنا چاہیے، فی الوقت انتخابات کے ذریعے نمائندہ حکومت کے قیام کو ترجیح دیتے ہوئے یمن کے عوام کی مدد کی جانی چاہیے۔ طاقت کے استعمال سے صرف اور صرف اسلام دشمن قوتوں کو فائدہ پہنچے گا۔ انہوں نے کہا کہ اس بات کا دکھ ہے کہ موجودہ حکمرانوں نے اس تنازع کا تعارف کرواتے ہوئے ٹینک ،فوج ،جہاز ،گولا بارود کے الفاظ استعمال کیے۔انہوں نے کہا کہ ذمہ دار کان کھول کر سن لیں کہ طاقت کے استعمال سے نہ اہم اپنے کسی خیر خواہ کی مدد کرینگے اور نہ ہی عالم اسلام کا مفاد طاقت کے استعمال میں ہے اس سے صرف اور صرف اسلام کی دشمن قوتوں کو فائدہ پہنچے گا۔مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.