خواتین سپورٹس گالا2015 پروقار تقریب میں اختتام پذیر ہوگیا
ہفتہ 18 اپریل 2015 16:37
پشاور(اُردو پوائنٹ اخبار تازہ ترین۔ 18اپریل۔2015ء) خواتین سپورٹس گالا2015 رنگا رنگ اور پروقار تقریب میں اختتام پذیر، فرنٹیئر کالج فار ویمن پشاور نے میلہ لوٹ لیا،تفصیلات کے مطابق ڈائریکٹوریٹ آف ویمن سپورٹس اور پشاور اپ لفٹ پروگرام کے زیر اہتمام جاری خواتین سپورٹس گالا کے 9 ایونٹس کی تقریب تقسیم انعامات گزشتہ روز پشاور کے قیوم سپورٹس کمپلیکس کے لالہ رفیق ایرینا میں منعقد ہوئی اس موقع پر سیکرٹری سپورٹس خیبر پختونخوا ڈاکٹر آفتاب اکبر درانی مہمان خصوصی تھے ‘تقریب کا آغاز تلاوت قرآن پاک سے ہوا جس کی سعادت لیڈی گرفتھ ہائی سکول کی علیشباہ نے حاصل کی ‘جس کے بعد بینڈ ‘پی ٹی ڈسپلے کا مظاہرہ پیش کیا گیا جس میں کمپری ہینسو اور سول کالونی کی طالبات نے حصہ لیا اس کے ساتھ ملی نغمے‘ویلکم سانگ اور دیگر آئٹم بھی پیش کئے گئے جن کوسراہا گیا نو ایونٹس میں نو ٹیموں نے حصہ لیا جن میں یونیورسٹی ٹاؤن‘گورنمنٹ گرلز ہائر سیکنڈری سکول بیگم شہاب الدین ‘لیڈی گرفتھ‘کمپری ہینسو ‘میاں گجر ‘باچا خان کالج ‘وڈپگہ‘سول کوارٹرز اور لنڈی ارباب کی ٹیمیں شامل تھیں‘نتائج کے مطابق ایتھلیٹکس میں فرنٹیئر کالج پشاور نے اکیس پوائنٹس کے ساتھ ٹرافی اپنے نام کی ‘میاں گجر کی ٹیم بیس پوائنٹس کے ساتھ دوسرے اور ایف ای ایف نحقی کی ٹیم گیارہ پوائنٹس کے ساتھ تیسرے نمبر پر رہی ‘راؤنڈر کے مقابلوں میں جی جی ایچ ایس میاں گجر کی ٹیم نے پہلی اور وڈپگہ نے دوسری پوزیشن حاصل یک ‘ٹیبل ٹینس کے مقابلوں میں فرنٹیئر کالج برائے طالبات نے پہلی اور بیگم شہاب الدین سکول نے دوسری پوزیشن حاصل کی نیٹ بال کے مقابلوں میں فرنٹیئر کالج پشاور نے پہلی اور باچا خان کالج نے دوسری پوزیشن حاصل کی تھرو بال کے مقابلوں میں کمپری ہینسو نے پہلی جبکہ یونیورسٹی ٹاؤن سکول نے دوسری پوزیشن حاصل کی ‘ہینڈ بال کے مقابلوں میں فرنٹیئر کالج پشاور نے پہلی جبکہ چمکنی نے دوسری پوزیشن حاصل کی ‘والی بال کا ٹائٹل بھی فرنٹیئر کالج گرین ٹیم کے نام رہا ‘سول کوارٹرز کی ٹیم دوسرے نمبر پر رہی‘ہائر ایجوکیشن اور ایلیمینٹری کے درمیان مقابلوں میں ہائر ایجوکیشن کمیشن نے 32 پوائنٹس کے ساتھ پہلی اور ایلیمینٹری نے 21 پوائنٹس کے ساتھ دوسری پوزیشن حاصل کی‘ایتھلیٹکس کے مقابلوں میں چار سو میٹر میں فرنٹیئر کالج کی عروج نے پہلی ‘ایف ای ایف نحقی کی ریما نے دوسری جبکہ فرنٹیئر کالج پشاور کی صائمہ نے تیسری پوزیشن حاصل کی ‘دو سو میٹر میں فرنٹیئر کالج پشاور کی صائمہ نے پہلی ‘جامعہ کی حمیرا نے دوسری جبکہ میاں گجر کی سعدیہ نے تیسری پوزیشن حاصل کی ‘سو میٹر ریس میں فرنٹیئر کالج پشاور کی صائمہ نے پہلی ‘میاں گجر کی سعدیہ نے دوسری جبکہ ایف ای ایف نحقی کی ریمان نے تیسری پوزیشن حاصل کی اس طرح صائمہ کو بہترین ایتھلیٹ قرار دیا گیا ‘جیولن تھرو میں لیڈی گرفتھ کی عائشہ نے پہلی ‘ایف ای ایف کی حلیمہ نے دوسری جبکہ چمکنی کی حمیرا نے تیسری پوزیشن حاصل کی ‘لانگ جمپ کے مقابلوں میں میاں گجر کی ثمینہ نے پہلی ‘سعدیہ نے دوسری جبکہ لیڈی گرفتھ کی کلثوم نے تیسری پوزیشن حاصل کی ‘شاٹ پٹ کے مقابلوں میں میاں گجر کی ہاجرہ نے پہلی ‘ایف ای ایف نحقی کی حلیمہ نے دوسری جبکہ سمیرا نے تیسری پوزیشن حاصل کی ‘ڈسکس تھرو میں فرنٹیئر کالج پشاور کی عروج نے پہلی ‘میاں گجر کی ثمینہ نے دوسری جبکہ وڈپگہ کی آمنہ نے تیسری پوزیشن حاصل کی ۔
(جاری ہے)
مزید کھیلوں کی خبریں
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا
-
پاکستان آئندہ سال چیمپئنز ٹرافی کے بعد نیوزی لینڈ کا دورہ کرے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.