لاہور میں پٹرولنگ کیلئے دو نئی فورسز ڈولفن اور پیرو بنانے کا فیصلہ

فہد شبیر ہفتہ 2 مئی 2015 21:07

لاہور(اُردو پوائنٹ اخبارتازہ ترین۔2مئی۔2015ء) پٹرولنگ نظام میں بہتری اور جرائم کی شرح میں کمی کے لئے لاہور پولیس میں دو نئی فورسز ڈولفن اور پیرو بنائی جا رہی ہیں جن پر پانچ ارب روپے خرچ ہوں گے۔لاہور میں پو لیس کے پٹرولنگ نظام میں بہتری اور جرائم کی شرح میں کمی کیلئے مجاہد سکواڈ ، ٹائیگر سکواڈ اور ایلیٹ فورس بنائی گئی لیکن وقت گزرنے کے ساتھ ٹائیگر سکواڈ ختم ہو گیا۔

مجاہد سکواڈ فنڈز کی کمی کے باعث غیر فعال ہو گیا جبکہ ایلیٹ فورس وی وی آئی پی کلچر کی نظر ہو گئی۔

(جاری ہے)

اب لاہور پولیس کے تحت ڈولفن اور پیرو کے نام سے دو نئی فورسز تشکیل دیں جا رہی ہیں جن پر 5 ارب سے زائد کا خرچ آئے گا۔ عوام کہتے ہیں کہ انہیں نت نئے ناموں اور بھاری اخراجات کے بجائے صرف نتائج سے غرض ہے ۔ پولیس حکام ان فورسز کے قیام کے بعد پولیسنگ میں بہتری کی توقع رکھتے ہیں۔

ڈی آئی جی آپریشنز کے مطابق ان فورسز کے آنے کے بعد پٹرولنگ کا نطام بہتر ہو گا اور پولیس کی تعداد میں بھی اضافہ ہو گا۔ قانونی ماہرین کا ماننا ہے کہ بدلتے وقت کے ساتھ ساتھ اگر پولیس کے نظام میں تبدیلی کے مثبت اقدمات کئے جاتے رہے تو محکمے میں سیاسی مداخلت اور عوام سے ناروا سلوک جیسی شکایات کا ازالہ کیا جا سکتا ہے۔

Facebook Twitter Google + Share on Whatsapp

لاہور میں پٹرولنگ کیلئے دو نئی فورسز ڈولفن اور پیرو بنانے کا فیصلہ

متعلقہ عنوان :

مزید اہم خبریں