اسلام آباد ہائی کورٹ نے سزائے موت کے قیدی شفقت حسین کی پھانسی پر عملدرآمد ایک روز کیلئے روک دیا، فریقین کے وکلاء کو( کل )دلائل مکمل کرنے کی ہدایت
منگل 5 مئی 2015 22:08
اسلام آباد ( اُردو پوائنٹ اخبار تازہ ترین۔ 05 مئی۔2015ء ) اسلام آباد ہائی کورٹ نے قتل کے جرم میں سزائے موت یافتہ قیدی شفقت حسین کی پھانسی پر ایک روز کے لئے عملدرآمد روکتے ہوئے فریقین کے وکلاء کودلائل مکمل کرنے کی ہدایت کی۔ جرم کے وقت عمر کے تعین کے لئے عدالتی کمیشن تشکیل دینے کے حوالے سے دائر درخواست کی سماعت منگل کو عدالت عالیہ کے جسٹس اطہر من اﷲ نے کی۔
دوران سماعت فاضل جج کے استفسار پر سرکاری وکیل نے بتایا کہ ایف آئی اے نے وزارت داخلہ کے کہنے پر شفقت حسین کی عمر کے تعین کے لئے انکوائری کی، اس پر فاضل جج نے کہا کہ سپریم کورٹ کے فیصلہ کے بعد شفقت حسین کی عمر کے تعین کے لئے ایف آئی اے کی تحقیقات کی کوئی حیثیت نہیں ، وزارت داخلہ انکوائری کرنے کی مجاز نہیں تھی۔(جاری ہے)
اس موقع پر شفقت حسین کے وکیل نے سپریم کورٹ کے ایک فیصلے کا حوالہ دیتے ہوئے کہا کہ اسی طرح کے ایک مقدمے میں عدالت عظمیٰ نے قرار دیا تھا کہ صرف عدالتی کمیشن ہی سزا یافتہ مجرم کی عمر کا تعین کرنے کا مجاز ہے۔
جسٹس اطہر من اﷲ نے آبزرویشن دی کہ ایگزیکٹو کی طرف سے عمر کے تعین کے لئے بنایا گیا تحقیقاتی کمیشن بادی النظر میں غیر قانونی ہے ، شفقت حسین کو پھانسی دیئے جانے کے بعد اگر ثابت ہوا کہ جرم کے ارتکاب کے وقت وہ نابالغ (کم عمر) تھا تو اس صورت میں صدر پاکستان اور عدالتوں کے لئے اس پھانسی کا جواز کیا ہو گا۔ عدالت عالیہ نے عبوری حکم نامے کے ذریعے شفقت حسین کی پھانسی پر ایک روز کے لئے عملدرآمد روکتے ہوئے فریقین کے وکلاء کو آج دلائل مکمل کرنے کی ہدایت کی ہے۔متعلقہ عنوان :
مزید اہم خبریں
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.