رنبیر کپور اورکترینہ کیف کا آئندہ سال شادی کا فیصلہ

فہد شبیر اتوار 10 مئی 2015 16:02

کراچی(اُردو پوائنٹ اخبارتازہ ترین۔10مئی۔2015ء)بھارتی میڈیا کے مطابق بالی وڈ اداکار رنبیر کپور نے2016کے آخر میں کترینہ کیف سے شادی کی تصدیق کردی ہے اور کہا ہے کہ اس فیصلے میں دونوں کی رضامندی ہے۔ ہندوستان ٹائمز، انڈین ایکسپریس کے مطابق بالی وڈ کے اداکار رنبیر کپور نے باربی ڈول کترینہ کیف سے شادی کرنے جارہے ہیں۔ رنبیر کپور نے ا پنی گرل فرینڈ کترینہ کیف کے ساتھ شادی کی منصوبہ بندی کی تصدیق کر تے ہوئے کہا کہ وہ آئندہ برس کے آخر میں شادی کے بندھن میں بند جائیں گے۔

(جاری ہے)

انہوں نے اس کا انکشاف ایک علاقائی میگزین ’’آنند بازار پتریکا‘‘ کے ساتھ ایک انٹرویو میں کیا۔ انہوں نے کہا کہ ہم دونوں کے لئے یہ سال انتہائی مصروف ہے اس سال ان کے پاس شادی کے لئے وقت نہیں ہوگا، ان کا کہنا تھا کہ دونوں نے آئندہ برس کے آخر پر شادی کرنے کا ارادہ کیا ہے اور اس پر ہم دونوں راضی ہیں۔ا نہوں نے میڈیا سے بات کرتے ہوئے کہا کہ وہ شادی کے بعدتین بچے چاہتے ہیں۔ واضح رہے کہ رنبیر کپور اور کترینہ کیف کے درمیان قربت کی خبریں کافی عرصے سے گرم تھیں اور کچھ عرصہ قبل کترینہ کیف نے رنبیر کپور سے منگنی کے حوالے سے آنے والی خبروں کے حوالے سے کہا تھا کہ ان میں کوئی صداقت نہیں۔

Facebook Twitter Google + Share on Whatsapp

رنبیر کپور اورکترینہ کیف کا آئندہ سال شادی کا فیصلہ

مزید فن و فنکار کی خبریں