سندھ حکومت تعلیم،صحت کے شعبوں میں خاص توجہ دے کر ام کو بنیادی سہولیات کی فراہمی کیلئے زیادہ سے زیادہ کوششیں کررہی ہے ،وزیر اعلیٰ سندھ
صوبے میں 11 نئی یونیورسٹیاں ، 5 اضلاع میں جدید اسپتالوں کے میگا پروجیکٹس اور 41 تعلقوں میں وسپتالیں قائم
اتوار 17 مئی 2015 13:33
خیرپور(اُردو پوائنٹ اخبار تازہ ترین۔ 17 مئی۔2015ء) وزیر اعلیٰ سندھ سید قائم علی شاہ نے کہا ہے کہ سندھ حکومت تعلیم،صحت کے شعبوں میں خاص توجہ دے کر دونوں شعبوں کے بجٹ میں اضافہ کرکے عوام کو بنیادی سہولیات کی فراہمی کے لیے زیادہ سے زیادہ کوششیں کررہی ہے۔ صوبے میں 11 نئی یونیورسٹیاں ، 5 اضلاع میں جدید اسپتالوں کے میگا پروجیکٹس اور 41 تعلقوں میں اسپتالیں قائم کی گئی ہیں جبکہ صوبے میں یونین کونسل کی سطح پر غربت کے خاتمے کے لیے بے روزگارنوجوانوں کو روزگار دینے ، معاشی سرگرمیوں کے فروغ کے لیے اکنامک زون قائم کیا گیا ہے ۔
ان خیالات کا اظہار انہوں نے سول اسپتال خیرپور میں 16 کروڑ روپے کی لاگت سے تعمیر ہونے والے ٹی بی اسپتال اور 46 کروڑ روپے کی لاگت سے کارڈیالوجی سینٹر(دل کے سینٹر)کا سنگ بنیاد رکھنے کی تقریب سے خطاب کرتے ہوئے کیا انہوں نے کہا کہ نہ صرف خیرپور بلکہ پورے صوبے میں شکارپور، بدین، تھر پارکر، لاڑکانہ سمیت دیگر اضلاع میں ہر ایک ضلع مین ایک ارب روپے کی لاگت سے اسپتال قائم کی گئی ہیں انہوں نے کہا کہ شہید بے نظیر بھٹو سے کیا گیا عہد پورا کرتے ہوئے لاڑکانہ میں شہید بے نظیر بھٹو میڈیکل یونیورسٹی ،انجینئرنگ کالج سمیت دیگر اداروں کا قیام عمل میں لایا گیا ہے جبکہ لاڑکانہ کے انجینئرنگ کالج کو یونیورسٹی کا درجہ دلارہے ہیں اور 400 ایکڑ پر محیط شہید بینظیر بھٹو میڈیکل کالج قائم کیا جارہا ہے انہوں نے کہا کہ خیرپور میں بھی مہران انجینئرنگ شہید ذوالفقار علی بھٹو کیمپس یا خیرپور میڈیکل کالج کو یونیورسٹی کا درجہ دلایا جائے گا ،وزیر اعلیٰ سندھ نے کہا کہ بیشتر نوجوانوں کے جگر کی پیوند کاری(لیور ٹرانسپلاٹیشن کے لیے پڑوسی ملک سرکاری خرچ پربھیجا گیا ہے جس میں ایک مریض پر 60 لاکھ روپے خرچ آتا ہے انہوں نے کہا کہ اب جگر کی پیوند کاری کے لیے سکھر،خیرپور اور گمبٹ اسپتالوں میں ایسی سہولیات کی فراہمی کے لیے اقدامات کیے جارہے ہیں وزیر اعلیٰ سندھ نے کہا کہ خیرپور میں جدید اسپتال قائم ہونے سے علاقے کے رہائشیوں کو فائدہ حاصل ہوگا جبکہ ایک ارب 60 کروڑ روپے کی لاگت سے خیرپور کے اندر 507 بستروں کا ایک جدید اسپتال قائم کیا جارہا ہے جس کے پانچ بلاک مکمل ہوچکے ہیں اور باقی تین بلاکوں کو کام بھی جلد مکمل کیا جائے گا وزیر اعلیٰ سندھ نے کہا کہ جن بلاک کا افتتاح کیا ہے اس میں ایمرجنسی وارڈمیں 50 بستر،ٹراما سینٹر،بلڈ بنک سمیت دیگر سہولیات موجود ہونگی جبکہ ایم آر آئی ،سی ٹی اسکین، میموگرافیسمیت دیگر نئے جدید اوزاربھی فراہم کیے جائیں گے وزیر اعلیٰ نے کہا کہ سکھر میں ایس آئی یوٹی میں ڈاکٹر ادیب رضوی کی جانب سے کڈنی ٹرانسپلانٹیشن سمیت گمبٹ انسٹیٹیویٹ میں ڈاکٹر رحیم بخش بھٹی کی جانب سے عوام کی بھرپور خدمت کی جارہی ہے جس کی جتنی تعریف کی جائے وہ کم ہے وزیر اعلیٰ سندھ نے کہا کہ خیرپور میں 60 سے 70 شعبوں میں تربیت فراہم کرنے والا ٹیکنیکل کالج ایک اہم ادارہ ہے جس کو جلس اپ گریڈ کیا جائے گا وزیر اعلیٰ سندھ نے خیرپور میں نرسنگ کی تربیت کے ادارے کو بھی اپ گریڈ کرنے کا اعلان کیا اس موقع پر کمشنر سکھر ڈویژن محمد عباس بلوچ نے خطبہ استقبالیہ دیتے ہوئے کہا کہ وزیر اعلیٰ سندھ سید قائم علی شاہ نے خیرپور کے لیے میگا پروجیکٹس دیے ہیں جس پر خیرپور کی عوام کی جانب سے نہایت شکر گزار ہیں اس موقع پر وزیر اعلیٰ سندھ سید قائم علی شاہ نے خیرپور میڈیکل کالج کے پروفیسرز اور پیرا میڈیکل اسٹاف میں رہائشی کوارٹرز کے الاٹمنٹ آرڈر بھی تقسیم کیے اس موقع پر وزیر اعلیٰ سندھ کے پولیٹیکل سیکریٹری لال بخش منگی ،کمشنر سکھر ڈویژن محمد عباس بلوچ،پی ڈی سول اسپتال سریش کمار، ایم ایس سول اسپتال ڈاکٹر غلام جعفر،گمبٹ انسٹیٹیویٹ کے ڈاکٹر رحیم بخش بھٹی ،ڈی آئی جی پولیس سکھر کامران فضل، ڈپٹی کمشنر خیرپور منور علی مٹھانی،ایس ایس پی خیرپور ناصر آفتاب ، مظہر علی خان،ڈاکٹر یار محمد شیخ کے علاوہ دیگر پارٹی رہنما بھی موجود تھے۔(جاری ہے)
متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.