آئی ایم ایف دباؤ ،حکومت کا بجٹ میں بجلی سبسڈی ختم کرنے کا فیصلہ

اتوار 17 مئی 2015 15:33

اسلام آباد(اُردو پوائنٹ اخبار تازہ ترین۔ 17 مئی۔2015ء) آئی ایم ایف کے دباؤ پر حکومت نے بجٹ میں بجلی سبسڈی کو ختم کرنے کا فیصلہ کر لیا ہے ،سبسڈی کے خاتمے سے حکومت کو 2ارب روپے سے زائد کی بچت ہوگی ،بجلی کی قیمتوں میں فی یونٹ2سے تین روپے کا اضافہ ہوگا۔

(جاری ہے)

میڈیا رپورٹس کے مطابق حکومت نے آئی ایم ایف کے دباؤ پر بجلی پر دی جانے والی سبسڈی کو ختم کرنے کا فیصلہ کر لیا ہے جس سے بجلی کی قیمتوں میں دو سے تین روپے فی یونٹ کا اضافہ ہوگااور حکومت کو ماہانہ 2ارب روپے کی بچت ہوگی رپورٹس کے مطابق حکومت نے پٹرولیم مصنوعات کی قیمتوں میں کمی کیوجہ سے بجلی کی فی یونٹ کمی کے بعد بجلی پر دی جانے والی سبسڈی کو ختم کرنے کا فیصلہ کیا ہے ۔