زمبابوے کا دورہ تاریخی موقع،جشن منانا چاہیے،یونس خان،محمد حفیظ

پیر 18 مئی 2015 13:29

لاہور(اُردو پوائنٹ اخبار تازہ ترین۔ 18مئی۔2015ء)پاکستان میں بین الاقوامی کرکٹ کی بحالی پر قومی ٹیم کے سابق کپتان یونس خان اور محمد حفیظ نے مسرت کا اظہار کرتے ہوئے کہا ہے کہ زمبابوے کرکٹ ٹیم کادورہ پاکستان تاریخی موقع ہے، جشن مناناچاہیے ، مہمان ٹیم کی میزبانی میں کمی نہیں آنی چاہیے۔ میڈیا سے گفتگو میں کہا کہ ہوم گراونڈ پرہی نوجوان کھلاڑیوں کو ہیروبننے کاموقع ملتا ہے۔

زمبابوے کرکٹ ٹیم کے دورہ پاکستان سے شائقین کرکٹ تو خوش ہیں ہی کرکٹرز بھی اسے پاکستان کرکٹ کے لیئے ایک تاریخی موقع قرار دے رہے ہیں۔ سابق کپتان یونس خان کا کہنا ہے کہ زمبابوے کرکٹ ٹیم کی آمد کا جشن منانا چاہئے۔پاکستان میں کرکٹ کے میدان 6 برس کے بعد آباد ہونے جا رہے ہیں۔پاکستان میں کھیلے گئے آخری ٹیسٹ کی قیادت یونس خان کر رہے تھے۔

(جاری ہے)

سابق کپتان کا کہنا ہے کہ انٹرنیشنل ٹیموں کی آمد سے بزنس بحال ہو گا ،نوجوان کھلاڑیوں کو ہیرو بننے کا موقع ملے گا۔

سابق ٹی 20 کپتان محمد حفیظ کا کہنا ہے کہ کھلاڑیوں سے زیادہ عوام کیلئے خوشی کا موقع ہے کیونکہ 6 برس کے بعد اپنے گراونڈز پر انٹرنیشنل کرکٹ دیکھنے کا موقع مل رہا ہے۔کھلاڑیوں کا کہنا ہے کہ مہمان ٹیم کی میزبانی میں کوئی کمی نہیں آنی چاہئے۔ اس سیریز کے بعد دوسری ٹیمیں بھی پاکستان آئیگی۔

Facebook Twitter Google + Share on Whatsapp

زمبابوے کا دورہ تاریخی موقع،جشن منانا چاہیے،یونس خان،محمد حفیظ

مزید کھیلوں کی خبریں