سندھ ہائی کورٹ نے پولیس کو ذوالفقار مرزا کو گرفتار کرنے سے روک دیا ،کراچی پولیس نے ذوالفقار مرزا کی گرفتاری کیلئے 9 گھنٹے بعد انسداد دہشت گردی کی عدالت کا گھیرا ختم کر دیا،سندھ ہائی کورٹ نے انسداد دہشت گردی عدالت کا گھیرا کرنے پر آئی جی سندھ اور ڈی آئی جی ساتھ کو شوکاز نوٹس جاری کر دیا
منگل 19 مئی 2015 22:26
کراچی (اُردو پوائنٹ اخبارتازہ ترین - این این آئی۔19 مئی۔2015ء) سندھ ہائی کورٹ نے پولیس کو ذوالفقار مرزا کو گرفتار کرنے سے روک دیا ہے۔سندھ ہائی کورٹ نے حکم دیا ہے کہ ڈاکٹر ذوالفقار مرزا کو گرفتار نہ کیا جائے، جب کہ سرکاری وکیل نے عدالت میں ذوالفقار مرزا کو گرفتار نہ کرنے کی یقین دہانی کرادی،ذوالفقار مرزا منگل کی صبح انسداد دہشت گردی کی عدالت میں پہنچے تو عدالت نے دہشت گردی کے تین مقدمات میں مرزا کی عبوری ضمانت میں تیس مئی تک توسیع کردی۔
اس دوران پولیس کی بھاری نفری نے علاقے کو حصار میں لیے رکھا، جس کی وجہ سے ذوالفقار مرزا عدالت سے باہر نہ نکلے، ڈاکٹر ذوالفقار مرزا کے وکلا نے سندھ ہائی کورٹ میں درخواست دائر کی کہ ذوالفقار مرزا کی گرفتاری کا خدشہ ہے، اس لیے پولیس کو حکم دیا جائے کہ ذوالفقار مرزا کو گرفتاری کرنے کے بجائے گھر جانے دیاجائے۔(جاری ہے)
چیف جسٹس سندھ ہائی کورٹ نے پولیس کو حکم جاری کیا کہ ذوالفقار مرزا کو گرفتار نہ کیا جائے جس پر سرکاری وکیل نے عدالت کو یقین دلایا کہ سابق وزیر داخلہ سندھ کو گرفتار نہیں کیا جائیگا۔
ذوالفقار مرزا کے وکلا نے دوبارہ سندھ ہائی کورٹ سے رجوع کیا اور مقف اختیار کیا کہ عدالتی حکم کے باوجود ذوالفقار مرزا کی گرفتاری کا خدشہ ہے جس پر عدالت نے آئی جی سندھ کو طلب کرلیا۔ ادھرڈاکٹر ذوالفقار مرزا تین مقدمات میں ضمانت میں توثیق کے لیے انسداد دہشت گردی کے عدالت میں پیش ہوئے۔ اس موقع پر سیکورٹی کے سخت انتظامات کیے گئے تھے۔ عدالت کے عملے نے ذوالفقار مرزا کے ساتھی کی تلاشی لینا چاہی تو ذوالفقار مرزا نے کورٹ روم میں داخلے سے ہی انکار کر دیا۔ ساتھ ہی خود کو بھی تلاشی کیلئے پیش کر دیا۔ مختصر سماعت کے بعد انسداد دہشت گردی کی عدالت نے ذوالفقار مرزا کی ضمانت میں 30 مئی تک توسیع کر دی۔ ڈاکٹر ذوالفقار مرزا کے وکلا کا کہنا ہے کہ ڈی آئی جی ڈاکٹر جمیل نے ذوالفقار مرزا کو گھر جانے دینے کے حوالے سے عدالتی احکامات وصول کرنے سے انکار کر دیا تھا اور پولیس نے انسداد دہشت گردی کی عدالت کا گھیرا کر لیا تھا ۔ پولیس کمانڈوز کے ساتھ بکتر بند گاڑی بھی موجود تھی۔ تاہم سنددھ ہائیکورٹ سے احکامات موصول ہونے کے بعد پولیس نے انسداد دہشت گردی کی عدالت کا گھیرا ختم کر دیا اور ذوالفقار مرزا 9 گھنٹے بعد واپس گھر کی طرف روانہ ہو گئے۔ سندھ ہائی کورٹ نے انسداد دہشت گردی عدالت کا گھیرا کرنے پر آئی جی سندھ اور ڈی آئی جی ساتھ کو شوکاز نوٹس جاری کر دیا۔متعلقہ عنوان :
مزید اہم خبریں
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
-
راولپنڈی، مسافر بس میں ڈکیتی، ڈاکو کی فائرنگ سے مسافر جاں بحق بس کا ڈرائیور زخمی
-
جنہوں نے فیصلے کیے اور جنہیں حکومت میں بٹھایا دونوں ہی پھنس گئے ہیں، امیر جماعت اسلامی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.