سکھر، پولیس نے ٹرین پرچھاپہ مار کر30 کلو دھماکہ خیز مواد سمیت ایک ملزم کو گرفتار کرلیا

ہفتہ 23 مئی 2015 16:50

سکھر(اُردو پوائنٹ اخبار تازہ ترین۔ 23 مئی۔2015ء) پولیس نے ٹرین پرچھاپہ مار کر30 کلو دھماکہ خیز مواد سمیت ایک ملزم کو گرفتار کرلیا۔تفصیلات کے مطابق ریلوے پولیس روہڑی نے خفیہ اطلاع پرکراچی جانے والی ہزارہ ایکسپریس پر چھاپہ مار کر ایک ملزم کو گرفتار کرکے اس کے قبضے سے تیس کلو دھماکہ خیز مواد بر آمد کر لیا۔

(جاری ہے)

حویلیاں سے کراچی جانیوالی ہزارہ ایکسپریس پر سوار ملزم کو خفیہ اطلاع ملنے کے بعد ریلوے پولیس نے گرفتار کر کے مقدمہ درج کر لیا ہے۔

اس سلسلے میں ایس ایچ او روہڑی ریلوے پولیس صدیق کانجو نے بتایا کہ ملزم راشد قریشی کے قبضے سے ماچس بم اور چاکلیٹی بم کا مواد بر آمد کرکے ایف آئی آر درج کر لی گئی ہے۔ایس ایچ او کے مطابق ملزم سے مزید تفتیش کی جا رہی ہے جبکہ ملزم کو نامعلوم مقام پر منتقل کر دیا گیا ہے۔

متعلقہ عنوان :