عمران خان کا دورہ گلگت دوسری بار موسم کی خرابی کے باعث منسوخ کردیا گیا

اتوار 24 مئی 2015 16:13

اسلام آباد( اُردو پوائنٹ اخبار تازہ ترین۔ 24 مئی۔2015ء) پاکستان تحریک انصاف کے چیئرمین عمران خان کا دورہ گلگت دوسری بار موسم کی خرابی کے باعث منسوخ کردیا گیا ۔

(جاری ہے)

تحریک انصاف کے سربراہ عمران خان کو اسکردو میں انتخابی جلسے سے خطاب کرنا تھا، عمران خان کے ہمراہ ان کی اہلیہ ریحام خان، جہانگیر ترین اور فیصل جاوید خان کو بھی جانا تھا تاہم موسم کی خرابی کے باعث پروگرام منسوخ کر دیا گیا ۔تحریک انصاف کے ترجمان کے مطابق ہیلی کاپٹرپر سفر کے لیے بھی موسم سازگار نہیں ہے ۔عمران خان کا دورہ گلگت دوسری بار موسم کی خرابی کے باعث منسوخی کا شکار ہواہے۔