پاک بھارت سیریز کا انعقاد مشکل نظر آتا ہے تاہم شہر یار خان کے بھارت میں اثر و رسوخ کے مثبت نتائج نکل سکتے ہیں ‘ سابق وکٹ کیپرذوالقرنین حیدر
اتوار 24 مئی 2015 20:45
لاہور(اُردو پوائنٹ اخبار تازہ ترین۔ 24 مئی۔2015ء) قومی کرکٹ ٹیم کے سابق وکٹ کیپر ذوالقرنین حیدر نے کہا ہے کہ پاک بھارت سیریزکاانعقادمشکل نظرآتاہے تاہم چیئرمین پی سی بی کے بھارت میں اثر و رسوخ کی وجہ سے مثبت نتائج نکل سکتے ہیں،پاکستان اور زمبابوے کے مابین ون ڈے سیریز بھی کانٹے دار ہوگی ۔ وہ گزشتہ روز یہاں میڈیا سے گفتگوکر رہے تھے ۔ سابق وکٹ کیپر نے کہا کہ پاکستان اور بھارت سیریز کا انعقاد مشکل نظر آرہا ہے لیکن چیئرمین پی سی بی کا بھارت میں کافی اثر و رسوخ ہے اور امید ہے کہ ان کی کوششیں کامیاب ہوں گی اور دونوں روایتی حریفوں کے مابین سیریز کے انعقاد میں حائل تمام رکاوٹیں دور ہوجائیں گی۔
انہوں نے ایک سوال کے جواب میں بتایا کہ وہ اپنی پریکٹس جاری رکھے ہوئے ہیں اور روزانہ چار گھنٹے ٹریننگ کرتے ہیں ۔(جاری ہے)
گزشتہ کئی سالوں سے ڈومیسٹک کرکٹ میں ان کی کارکردگی بہت اچھی رہی ہے اور امید ہے کہ میں ایک نہ ایک دن ٹیم میں اپنی جگہ بنانے میں کامیاب ہوجاؤں گا ۔مجھے یقین ہے کہ چیئرمین پی سی بی شہر یار میرے معاملہ پر غور کریں گے ۔ذوالقرنین حیدر نے ایک سوال کے جواب میں بتایا کہ پاکستانی کرکٹرز بھی غیر ملکی کرکٹرز کی طرح ٹریننگ کرتے ہیں لیکن سٹریس کی وجہ سے پاکستانی کھلاڑی ان فٹ ہوتے ہیں ،سٹریس سے مسلز پر کھچاؤ پڑتا ہے جس کی وجہ سے ان کی فٹنس متاثر ہوتی ہے ۔
ان کو ان فٹ ہونے سے بچانے کے لئے ان کے سٹریس میں کمی لانی ہوگی ۔ْواضح رہے کہ ذوالقرنین حیدر جو کہ پاکستان کی قومی کرکٹ ٹیم کا حصہ تھے وہ 2010 دوبئی میں ساؤتھ افریقہ کے خلاف پانچویں ون ڈے کی صبح اپنے ہوٹل کے روم سے غائب ہوگئے تھے اور بعد میں پتہ چلا کہ وہ انگلینڈ پہنچ گئے تھے۔ان کا دعوی تھا کہ ان کو نامعلوم افراد کی طرف سے دھمکیاں ملی تھیں اور انہیں کرکٹ سے ریٹائر ہونے کا کہا گیا تھا تاہم بعد میں پی سی بی کے ماہر نفسیات مقبول بابری نے ان کو سٹریس سے نجات دلوانے کے لئے کئی نفسیاتی سیشن منعقد کئے تھے ۔متعلقہ عنوان :
مزید کھیلوں کی خبریں
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
-
سابق کرکٹرز کی پاکستان کی جانب سے عماد وسیم کو بینچ پر بٹھانے کے فیصلے پر تنقید
-
نیوزی لینڈ کیخلاف دوسرے ٹی ٹونٹی کیلئے پاکستان کی ممکنہ پلیئنگ الیون سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.