مستقبل میں دورہ پاکستان کی ضمانت نہیں دی جا سکتی، ہیتھ ملز
بدھ 3 جون 2015 11:56
کرائسٹ چرچ (اردو پوائنٹ تازہ ترین اخبار3جون۔2015ء) نیوزی کرکٹ پلیئرز ایسوسی ایشن کے چیف ایگزیکٹو ہیتھ ملز نے کہا ہے کہ زمبابوے کا دورہ بغیر کسی ناخوشگوارواقعے کے ختم ہوگیا مگر اس کا مطلب یہ نہیں کہ مستقبل میں غیر ملکی ٹیموں کیلئے پاکستان کا ٹورمحفوظ ہوگا ۔ انہوں نے کہا کہ کرکٹ نیوزی لینڈ کو دورہ پاکستان کے لئے آزاد سیکیورٹی مشیروں کی رائے پر انحصار کرنا چاہئے ، خود بھی آزاد سیکیورٹی مشیروں کی رہنمائی حاصل ہے اور فیکاکو مشورہ دیا ہے کہ پاکستان میں کرکٹ ٹور خطرناک ثابت ہوسکتا ہے ۔
انہوں نے کہا کہ کرکٹ زمبابوے کی جانب سے دورہ پاکستان کا فیصلہ کرنے پر حیران رہ گئے تھے ۔ سمجھتے ہیں کہ زمبابوے کے اپنے سیکیورٹی آفیشلز اور آئی سی سی کے ماہرین نے بھی پاکستان کا دورہ کرکے صورتحال کا تجزیہ کرنے کے بعد وہاں ٹیم نہ بھیجنے کا مشورہ دیا تھا۔(جاری ہے)
انہوں نے کہا کہ سری لنکن ٹیم پر حملے سے ثابت ہوا تھا کہ کرکٹ بھی براہ راست دہشت گرد گروپس کا ہدف بن سکتی ہے ۔
اس سے یہ بھی ثابت ہوا کہ ایک ٹیم کس حد تک آسان شکار ہوتی ہے ، چاہے کھلاڑیوں کیلئے معیاری سیکیورٹی انتظامات ہی کیوں نہ کئے جائیں۔ بدقسمتی سے یہ بھی جانتے ہیں کہ ہائی لیول اور صدارتی سطح کی سیکیورٹی کے باوجود لوگ حملے کی زد میں آسکتے ہیں ۔آئی سی سی کی جانب سے امپائرز کو نہ بھیجنے کے حوالے سے ان کا کہنا تھا کہ آئی سی سی ایک ادارہ ہے اور وہ ٹورزکو روکنے کا خواہشمند نہیں ہے ۔ وہ انفرادی سطح پر کرکٹ بورڈز پر کھیلنے یا نہ کھیلنے کا فیصلہ چھوڑ دیتی ہے ۔ انہوں نے کہا کہ آئی سی سی اپنے میچ آفیشلز پر ہی کنٹرول رکھتی ہے اور یہاں بہت زیادہ خطرہ دیکھتے ہوئے انہیں نہ بھیجنے کا فیصلہ کیا گیا ہے ۔یہ زیادہ بہتر ہوگا کہ آئی سی سی کی جانب سے مستقبل میں سیکیورٹی مسائل اور ان معاملات پر آزادانہ رائے فراہم کی جائے تاہم انہوں نے پاکستان کرکٹ سے ہمدردی کا اظہار کرتے ہوئے کہا کہ پاکستانی سرزمین پر چھ سال سے بین الاقوامی کرکٹ کی دوری پر انہیں مایوسی ہوئی ۔انہوں نے مزید کہا کہ حالیہ واقعات سے یہ بالکل واضح ہوگیا ہے کہ دہشت گردی کا خطرہ پاکستان سے ابھی ختم نہیں ہوا ۔ توقع ہے کہ پاکستانی حکومت اپنے لوگوں کے تحفظ کے لئے کام کرتی رہے گی اور یہ کرکٹ سے زیادہ اہم ہے ۔متعلقہ عنوان :
مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.