واحد ٹیسٹ، بھارت نے کھیل کے پہلے دن بغیر کسی وکٹ کے 239 رنز بنا لیے

بدھ 10 جون 2015 20:07

فتح اﷲ ( اُردو پوائنٹ اخبار تازہ ترین۔ 10 جون۔2015ء ) بنگلہ دیش اور بھارت کے مابین سیریز کے واحد ٹیسٹ کے پہلے روز بھارتی بیٹسمین چھائے رہے ، بھارتی ٹیم نے بارش سے متاثر ہ پہلے دن کے کھیل کے اختتام تک بغیر کسی وکٹ کے 239 رنز بنا لئے ، بھارت کی جانب سے مرلی وجے 89 اور شیکھر دھون 150 رنز بنا کر وکٹ پر موجود ہیں ۔

(جاری ہے)

تفصیلات کے مطابق بدھ کو فتح اﷲ میں بھارتی کپتان ورات کوہلی نے ٹاس جیت کر پہلے بیٹنگ کا فیصلہ کیا ۔ بھارت کی جانب سے مرلی وجے اور شیکھر دھون نے شاندار بیٹنگ کا مظاہرہ کرتے ہوئے56 اووز میں ٹیم کا سکور 239 رنز تک پہنچا دیا ۔ بھارت کی جانب سے مرلی وجے 89 اور شیکھر دھون 150 رنز بنا کر وکٹ پر موجود ہیں۔پہلے دن بارش کی وجہ سے صرف 56اوورز کا کھیل ہو سکا۔