میڈیا برما مسلمانوں پر ہونے والے مظالم کو دنیا کے سامنے لائے، چھچھ محافظ کمیٹی
جمعرات 11 جون 2015 12:39
حضرو( اُردو پوائنٹ اخبار تازہ ترین۔ 11 جون۔2015ء ) برما میں انسانیت سوز مظالم و قتل عام کے خلاف اور برما مسلمانوں سے اظہار یکجہتی کیلئے چھچھ محافط کمیٹی کے زیر اہتمام بہت بڑی ریلی کا انعقاد، چھچھ بھر سے مذہبی، سیاسی، سماجی، صحافتی تنظیموں ، تاجر برادری، سول سوسائٹی سمیت سینکڑوں کی تعداد میں عوام کی شرکت، برما سفیر کی ملک بدری کا مطالبہ، میڈیا برما مسلمانوں پر ہونے والے مظالم کو دنیا کے سامنے لائے، وزیر اعظم پاکستان سے برما کے مسلمانوں پر مظالم اور قتال پر واشگاف الفاظ میں مذمت،برما کے نہتے مسلمانوں کی حمایت کرنے اور برما میں فوج بھیجنے کا مطالبہ، بینرز اور پلے کارڈز میں برما مسلمانوں سے اظہار یکجہتی اور ہندووٴں کے مظالم کے خلاف الفاظ درج، شرکاء کا سخت غم و غصے کا اظہار، امریکہ، انڈیا، اقوام متحدہ اور ظالم حکمرانوں کے خلاف نعرے بازی، برما میں مسلمانوں کا سر عام قتال‘ انسانیت کے نام نہاد علمبرداروں کے منہ پر زوردارطمانچہ ہے ،مسلمانوں کے قتل وغار ت پر اقوام متحدہ کی خاموشی معنی خیز ہے، تمام مسلمانوں کو متحد ہو کر امت مسلمہ پر مظالم ڈھانے والوں کا مقابلہ کرنا ہوگا،مشکل کی اس گھڑی میں برما کے مظلوم مسلمانوں کا بھرپور ساتھ دینا چائیے، ریلی سے علماء کرام، سیاسی زعماء، چھچھ محافظ کمیٹی کے عہدیداران کا خطاب، تفصیلات کے مطابق چھچھ محافط کمیٹی کے زیر اہتمام برما مسلمانوں سے اظہار یکجہتی کیلئے بہت بڑی ریلی فوارہ چوک سے نکالی گئی
جس کی قیادت تحصیل حضرو کے جید علماء کرا م مولانا محمود الحسن توحیدی، مولانا فضل وہاب،صاحبزادہ انیس احمد غفوری، مولانا قمر اسلام، مولانا سعیدالرحمن رحمانی، سیاسی جماعتوں کے قائدین، چھچھ محافظ کمیٹی کے سر پرست اعلیٰ محمد خالد خان، چیئرمین عمران خان، وائس چیئرمین نزاکت خان، کنوینئر حاجی عارف حسین، جنرل سیکرٹری حافظ ہارون الرشید ، سینئر صحافی نثار علی خان، حاجی احسان خان، ڈاکٹر خالد محمود بھٹی ، مولانا مسعود اختر ضیاء ، حاجی آصف اجمل اعوان، نصیر جدون، رئیس دار، حاجی شیرازسمیت دیگر شخصیات نے کی، اس موقع پر مختلف قراردادوں میں وزیر اعظم نواز شریف سے مطالبہ کیا گیا کہ برما کے مسلمانوں ، معصوم بچوں اور خواتین پر ڈھائے جانے والے مظالم روکنے کیلئے ترک صدر کی طرح اپنی افواج برما میں بھیج کر کردار ادا کریں اور برما کے مسلمانوں پر مظالم اور قتال پر واشگاف الفاظ میں مذمت اور برما کے نہتے مسلمانوں کی کھل کر حمایت کا اعلان کرانے کیلئے دیگر مسلم ممالک سے بھی رابطے کریں ، مقررین نے کہا کہ بر ما میں نہتے مسلمانوں کا قتل عام اقوام متحدہ ،سلامتی کونسل کے قوانین کی کھلم کھلا خلاف ورزی ہے اسلام دشمن قوتوں نے بر ما میں ظلم وبربریت کی انتہا کر دی ہے ‘ شرکائے ریلی اور مقررین نے بر ما میں مسلمانوں کی نسل کشی کی پر زور مذمت کرتے ہوئے ترکی کے صدر طیب اردگان کی جرات وبہادری پر انہیں سلام پیش کیا اور کہا کہ کسی واحد مسلم ملک نے بر ما کے مسلمانوں کے لیے صرف آواز نہیں اٹھائی بلکہ اپنی آرمی بھیج کر تاریخ میں اپنے آپکوہمیشہ کے لیے امربھی کر لیا ہے اس حوالہ سے وزیر اعظم نواز شریف کو بھی اپنا کردار ادا کرنا چاہئے، چھچھ محافظ کمیٹی کے سرپرست خالد خان، چیئرمین عمران خان اور دیگر عہدیداران نے کہا کہ ریلی کا مقصد برما کے مسلمان بھائیوں کے ساتھ ہندووٴں کے مظالم اور قتال کے خلاف آواز بلند کرکے حکومت پاکستان کو اس حوالہ سے کردار ادا کرنے کیلئے فرائض سے آگاہ کرنا ہے، انہوں نے چھچھ بھر سے تمام دینی، سیاسی، سماجی تنظیموں ، علماء کرام، طلباء، صحافی، سول سوسائٹی کاریلی میں شر یک ہونے پر شکریہ ادا کیا۔
مزید قومی خبریں
-
میں نے خود بانی پی ٹی آئی کو کہتے سنا ہے کہ اپوزیشن کو پھانسی لگا دیتے ہیں، ندیم افضل چن
-
وزیراعلیٰ مریم نوازشریف کا گجرات میں عزیزبھٹی شہید ٹیچنگ ہسپتال میں چھت گرنے کے واقعہ کا نوٹس
-
لڑکے اورلڑکی کی کم ازکم شادی کی عمر 18سال قرار ، چائلڈ میرج بل سیکرٹری ہوم ڈیپارٹمنٹ کو ارسال
-
آئی جی پنجاب ڈاکٹر عثمان انور کا مظفر گڑھ میں شادی کا جھانسہ دے کر طالبہ سے زیادتی کے واقعہ کا نوٹس
-
پولیس نے چارملزمان کوگرفتارکرکے 38 لٹر دیسی شراب برآمد کرلی
-
پی ٹی آئی کے نئے انٹرا پارٹی انتخابات پر بھی اعتراضات عائد، 30 اپریل کو پیشی کا نوٹس جاری
-
پی ٹی آئی کی پانچ فرنچائز ہیں ہر کسی کا اپنا مؤقف ہے،ندیم فضل چن ، فیصل کریم کنڈی
-
گزشتہ 4سال نئی اسکیمز میں وفاق نے سندھ کو نظر انداز کیا، وزیر اعلی سندھ کا وزیراعظم سے شکوہ
-
تیز رفتار کار فٹ پاتھ پر سوئے افراد پر چڑھ گئی، 6 افراد زخمی
-
بیوی سے پریشان ہو کر خودکشی کا ڈرامہ کرنے والا شوہر زیر حراست
-
ایرانی صدر نے امید ظاہر کی کہ ایم او یوز پر شہباز اسپیڈ سے کام ہو گا: گورنرسندھ
-
شہبازشریف نے نواز شریف کو دھوکا دے کر وزارت عظمٰی چھین لی، لطیف کھوسہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.