کنگسٹن ٹیسٹ میں ویسٹ انڈیز کو مشکلات کا سامنا
ہفتہ 13 جون 2015 13:52
کنگسٹن(اُردو پوائنٹ اخبار تازہ ترین۔ 13 جون۔2015ء)کنگسٹن میں کھیلے جانے والے دوسرے ٹیسٹ میچ کے دوسرے دن کھیل اختتام پر ویسٹ انڈیز نے آسٹریلیا کے خلاف پہلی اننگز میں آٹھ وکٹوں کے نقصان پر 143 رنز بنا لیے ہیں۔ویسٹ انڈیز کو آسٹریلیا کی برتری ختم کرنے کے لیے مذید 256 رنز کی ضرورت ہے اور پہلی اننگز میں اس کی دو وکٹیں باقی ہیں۔ویسٹ انڈیز کی جانب سے کریگ براتھویٹ اور راجندرہ چندریکا نے اننگز کا آغاز کیا۔
میزبان ٹیم کا آغاز تباہ کن تھا اور صرف 77 رنز کے مجموعی سکور پر اس کی آدھی ٹیم پویلین لوٹ گئی۔ویسٹ انڈیز کی جانب سے بلیٹ وڈ نے 51 اور سائی ہوپ نے 26 رنز بنائے۔ان دونوں بیٹسمینوں کے علاوہ ویسٹ انڈیز کے دیگر کھلاڑی آسٹریلیا کی تباہ کن بولنگ کا سامنے نہ کر سکے اور اس کی وکٹیں وقفے وقفے سے گرتی رہیں۔(جاری ہے)
آسٹریلیا کی جانب سے پہلی اننگز میں ہیزل وڈ اور نیتھن لیون نے تین تین جبکہ مل سٹارک اور مچل جانسن نے ایک ایک کھلاڑی کو آوٴٹ کیا۔
اس سے پہلے آسٹریلیا کی پوری ٹیم پہلی اننگز میں 399 رنز بنا کر آوٴٹ ہو گئی تھی۔آسٹریلیا کی اننگز کی خاص بات سٹیون سمتھ کی شاندار بیٹنگ تھی، انھوں نے 21 چوکوں اور دو چھکوں کی مدد سے 199 رنز بنائے۔سٹیون سمتھ کے علاوہ آسٹریلیا کے کپتان مائیکل کلارک نے 47 رنز بنائے۔پہلی اننگز میں آسٹریلیا کے تین بیٹسمینوں کا سکور دوہرے ہندسے تک نہ پہنچ سکا۔ویسٹ انڈیز کی جانب سے جیروم ٹیلر نے چھ، جیسن ہولڈر نے دو اور کیمار روچ نے ایک کھلاڑی کو آوٴٹ کیا۔ جمعرات کو شروع ہونے والے اس ٹیسٹ میچ میں ویسٹ انڈیز نے ٹاس جیت کر آسٹریلیا کو پہلے بیٹنگ کرنے کی دعوت دی تھی۔دو ٹیسٹ میچوں پر مشتمل اس سیریز میں آسٹریلیا کو ایک صفر کی برتری حاصل ہے۔روسو میں کھیلے جانے والے پہلے ٹیسٹ میچ میں آسٹریلیا نے ویسٹ انڈیز کو نو وکٹوں سے شکست دی تھیمزید کھیلوں کی خبریں
-
صرف 2 گیندوں بعد ہی میچ ختم
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
کس وقت تک بارش نہ رکی تو پاک نیوزی لیند میچ منسوخ کر دیا جائے گا؟
-
راولپنڈی میں بارش، پاک نیوزی لینڈ میچ دوبارہ شروع ہو سکے گا یا نہیں؟
-
کیویز کیخلاف پہلے میچ کیلئے 2 پاکستانی کھلاڑیوں کا ڈیبیو
-
ویسٹ انڈیزویمینز ٹیم نے پاکستان ویمینز ٹیم کو پہلےایک روزہ بین الاقومی میچ میں 113 رنز سے شکست دے دی
-
سیریز کا پہلا ٹی ٹوئنٹی میچ، نیوزی لینڈ نے پاکستان کیخلاف ٹاس جیت لیا
-
راولپنڈی میں پاک نیوزی لینڈ میچ ہو سکے گا یا نہیں؟ اپ ڈیٹ جاری کر دی گئی
-
آئی سی سی ایونٹ میں شرکت، ونواٹو کی ٹیم چندہ جمع کرنے پر مجبور
-
بارسلونا اوپن ، مارشل گرانولرزاورہوراشیوزیبالوس کوارٹرفائنل میں پہنچ گئے
-
سابق آسٹریلوی کرکٹرمائیکل سلیٹرجیل منتقل
-
سیف گیمز کے انعقاد سے دنیا میں پاکستان کا سافٹ امیج اجاگر ہوگا، رانا مشہود
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.