مصر کا تین روز تک غزہ کی سرحد کھولنے کا اعلان

سرحد تین روزتک کھلی رہے گی  فلسطینیوں کو غزہ کی پٹی کے اندر اور باہر نکلنے کی اجازت دی جائیگی

اتوار 14 جون 2015 13:37

قاہرہ (اُردو پوائنٹ اخبار تازہ ترین۔14جون۔2015ء) مصر نے تین ماہ میں پہلی بار غزہ کے دونوں اطراف کی رفاع کی اپنی سرحد کھولنے کا اعلان کیا ہے یہ چوکی تین روز تک کھلی رہے گی جس سے فلسطینیوں کو غزہ کی پٹی کے اندر اور باہر نکلنے کی اجازت دی جائے گی۔

(جاری ہے)

میڈیا رپورٹ کے مطابق پچھلے ہی ہفتے اقوام متحدہ کے خصوصی رابطہ کار برائے مشرق وسطیٰ، نکول ملادینوو نے اِس امید کا اظہار کیا تھا کہ سلامتی کی صورت حال کو مدنظر رکھتے ہوئے اِس فیصلے کو وسعت دی جا سکتی ہے اور رفاع کو روزانہ کی بنیاد پر کھولا جا سکتا ہے۔

2013 میں جب مصر کی فوج نے اسلام پسند صدر کا تختہ الٹا، مصر نے رفاع کی اپنی چوکی کو آمد و رفت کے لیے بند کر دیا تھا۔محصور فلسطینیوں کو اپنے گھروں کی طرف واپسی کی سہولت دینے کی خاطر، مصر نے گذشتہ ماہ رفاع کو تھوڑی دیر کے لیے کھولا تھا۔یہی ایک سرحدی راستہ ہے جس سے غزہ سے مصر جایا جا سکتا ہے، جس میں بحیرہ?روم شامل ہے، جو علاقہ اسرائیل کے کنٹرول میں نہیں ہے۔