چار برسوں کے دوران 2ملین افرادی قوت تیار کی جائیگی،ٹیوٹاکی جانب سے نئے شارٹ کورسز کا آغاز ایک احسن اقدام ہے ‘ عرفان الٰہی
پیر 15 جون 2015 14:00
لاہور ( اُردو پوائنٹ اخبار تازہ ترین۔ 15 جون۔2015ء)چار برسوں کے دوران 2ملین افرادی قوت تیار کی جائے گی۔ٹیکنیکل ایجوکیشن اینڈ ووکیشنل ٹریننگ اتھارٹی (ٹیوٹا)صوبہ پنجاب میں فنی تعلیم و تربیت فراہم کرنے والا سب سے بڑا ادارہ ہے جواس ٹارگٹ کے حصول کیلئے اپنا اہم کردار ادا کرے گی، ٹیوٹا کی جانب سے مارکیٹ کی ضروریات کے مطابق نئے شارٹ کورسز کا آغاز ایک احسن اقدام ہے کیونکہ ماضی میں ٹیوٹا کی جانب سے جو کورسز کروائے جا رہے تھے وہ انڈسٹری کی ضروریات کو پورا نہیں کر رہے تھے۔
ان خیالات کا اظہار چیئر مین پی اینڈ ڈی عرفان الٰہی نے ٹیوٹا سکلز ایکسپو کی اختتامی تقریب سے خطاب کرتے ہوئے کیا۔اس موقع پر چیئرپرسن ٹیوٹا عرفان قیصر شیخ ، چیف آپریٹنگ آفیسر ٹیوٹا جواد احمد قریشی، جنرل منیجرز عبدالقیوم، حامد غنی انجم، اظہر اقبال شاد،اختر عباس بھروانہ اور دیگر ٹیوٹا افسران کے علاوہ طلباء و طالبات کی کثیر تعداد بھی موجود تھی۔(جاری ہے)
اگرانہیں روزگار نہ ملا تو وہ خدشہ ہے کہ وہ ملکی مفادات کے برعکس کاموں میں ملوث نہ ہو جائیں۔ ہمیں ان نوجوانوں کو ملک کا کار آمد شہری بنانے کیلئے فنی تعلیم کی طرف راغب کر نا ہو گا تاکہ وہ شارٹ کورسز میں داخلہ لے کر جلد ہنر سیکھیں اور معاشرے کا ایک مفید شہری بنیں۔
حکومت کی کوششیں اپنی جگہ پر ہیں مگر جتنی دیر پرائیویٹ سیکٹر اپنا موثر کردار ادا نہیں کرے گا اس وقت تک ہم اس ہدف کو حاصل نہیں کر سکتے۔انہوں نے کہا کہ پرائیویٹ سیکٹر کی ضروریات کے مطابق جدید کورسز کا آغاز وقت کی اہم ضرورت ہے ۔ حکومت ٹیوٹا کو اس مشن کو کامیابی سے چلانے کیلئے مکمل تعاون کریگی۔ ہمیں ملکر صوبہ بھر میں فنی تعلیم کے فروغ کیلئے کام کرنا ہوگا تاکہ بے روزگاروں کو روزگار کے یقینی مواقع میسر ہو اور ملک میں بیروزگاری کے خاتمے کیلئے اپنا کردار ادا کریں۔چیئرپرسن ٹیوٹا عرفان قیصر شیخ نے شرکاء سے خطاب کرتے ہوئے کہا کہ پاکستان کا 10فیصد حصہ فنی تعلیم حاصل کرتا ہے جبکہ بھارت کی 25فیصد نوجوان نسل اس طرف راغب ہے۔ ٹیوٹا سکلز ایکسپو کے انعقاد کا مقصد عوام کو اور خصوصا نوجوان نسل میں ہنر مندی کے شعور کو اجاگر کرنا ہے ۔ اس نمائش سے مثبت نتائج آئیں گے کیونکہ نوجوان نسل کی کثیر تعداد نے شرکت کرکے ٹیوٹا میں زیر تربیت افرادی قوت کے بنائے گئے پراجیکٹس پر خصوصی دلچسپی کا اظہار کیا ہے ۔ہم اس سلسلے کومزید آگے بڑھاتے ہوئے سکلز ایکسپو کا انعقاد دوسرے شہروں میں بھی کرینگے تاکہ ان شہروں میں مقیم نوجوان کوفنی تعلیم کی اہمیت کے بارے میں شناسائی ہو اور نوجوان فنی تعلیم کو حاصل کرنے کیلئے رجوع کریں۔ ہم نے نوجوان نسل کو ہنر مند بنانا ہے تاکہ وہ ملک کی بربادی کی بجائے ترقی کی راہوں پر گامزن کرنے کیلئے اپنا موثر کردار ادا کریں۔مزید قومی خبریں
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.