الیکشن ٹربیونل نے این اے 122سے متعلق نادرا کی سپلیمنٹری رپورٹ کی قانونی حیثیت حتمی فیصلے سے مشروط کر دی
فریقین کے وکلاء حتمی بحث کیلئے طلب ،مزید سماعت( کل )تک ملتوی ،الیکشن ٹربیونل کے فیصلے سے ہمارے موقف کی تائید ہو گئی‘ وکلاء پی ٹی آئی
پیر 15 جون 2015 19:17
لاہور( اُردو پوائنٹ اخبار تازہ ترین۔ 15 جون۔2015ء) الیکشن ٹربیونل نے این اے 122سے متعلق نادرا کی سپلیمنٹری رپورٹ کی قانونی حیثیت حتمی فیصلے سے مشروط کر تے ہوئے فریقین کے وکلا ء کو حتمی بحث کیلئے( کل) بدھ کو طلب کر لیا گیا۔ گزشتہ روز الیکشن ٹربیونل کے جج جسٹس (ر) کاظم علی ملک نے این اے 122مبینہ دھاندلی کیس کی سماعت کی ۔ الیکشن ٹربیونل کے جج جسٹس (ر)کاظم ملک نے این اے 122 کی سپلیمنٹری رپورٹ سے متعلق 5 صفحات پر مشتمل تحریری فیصلہ جاری کر دیاہے جس میں میں نادرا کی این اے 122 سے متعلق سپلیمنٹری رپورٹ کی قانونی حیثیت حتمی فیصلہ سے مشروط کر دی گئی۔
تحریری فیصلے کے مطابق ٹربیونل نے نادرا کو سپلیمنٹری رپورٹ تیار کرنے کا کوئی حکم جاری نہیں کیا تھا۔مزید کہا گیا ہے کہ کیس کی اہمیت کے حوالے سے ریکارڈ کا جائزہ لینے کی ضرورت ہے ، دیکھنا ہے کہ رپورٹ اس کیس کے حل میں مددگار ثابت ہوتی ہے یا اس سے مزید پیچیدگیاں پیدا ہوتی ہیں ۔(جاری ہے)
رپورٹ کومسترد یا منظور کرنے سے مسائل پیدا ہو سکتے ہیں ، سپلیمنٹری رپورٹ سے متعلق فیصلہ کیس کے حتمی فیصلے کے ساتھ ہی سنایا جائے گا۔
الیکشن ٹربیونل نے مزید سماعت کل ( بدھ) تک ملتوی کرتے ہوئے فریقین کے وکلاء کو حتمی فیصلہ کے لئے طلب کر لیا ۔سماعت کے بعد میڈیا سے گفتگو کرتے ہوئے پی ٹی آئی کے وکیل انیس علی ہاشمی نے بتایا کہ نادرا کی سپلیمنٹری رپورٹ سے متعلق فیصلہ موخر کر دیا گیا ہے ۔الیکشن ٹربیونل کے جج نے کہا ہے کہ جائزہ لیا جائے گاکہ نادرا نے یہ رپورٹ بغیر کسی آرڈر کے جمع کرائی ہے او رجب کیس کا حتمی فیصلہ ہوگا اسکے ساتھ اس رپورٹ سے متعلق بھی فیصلہ سنایا جائے گا ۔ رپورٹ کا جائزہ لیا جائے گا کہ کیا یہ کیس کے حل میں مدد دیتی ہے یا مزید پیچیدگیاں پیدا کرتی ہے اور اسکی اہمیت کیا ہے ۔ یہ رپورٹ کن ٹی او آرز کے تحت جمع کرائی گئی ہے ۔انہوں نے کہا کہ الیکشن ٹربیونل کے فیصلے سے ہمارے موقف کی تائید ہو گئی ۔انہوں نے کہا کہ یہ افواہ پھیلائی جارہی ہے کہ نادرا نے سپلیمنٹری رپورٹی پی ٹی آئی کے وکلاء کی جانب سے درخواست پر جمع کرائی ہے حالانکہ سارے ثبوت موجود ہیں ہم نے الیکشن ٹربیونل او رنہ ہی نادر اکو ایسی کوئی درخواست دی بلکہ یہ رپورٹ سردار ایاز صادق کے وکلاء کے کہنے پر جمع کرائی گئی ہے۔ پی پی 147سے ناکام امیدوار شعیب صدیقی نے کہا کہ پی ٹی آئی نے نادرا کی سپلیمنٹری رپورٹ کے لئے کوئی درخواست نہیں دی تھی بلکہ یہ حکومتی دباؤ پر جمع کرائی گئی ہے۔ انہوں نے کہا کہ وفاقی وزیر داخلہ چوہدری نثار علی خان نے بیان دینے پر نادرا کے ترجمان کو معطل کر کے محکمے میں واپس بلا لیا ہے ۔ انہوں نے کہا کہ نادرا کی پہلی رپورٹ میں جن شناختی کارڈز کو جعلی قرار دیا گیا تھا سپلیمنٹری رپورٹ میں انہیں در ست قرار دیدیا گیا ہے۔ پی پی 147میں اب 12425ووٹ ایسے ہیں جن کے شناختی کارڈ کے بارے میں کچھ پتہ نہیں ۔ نادرا کی رپورٹ مفروضوں پر مبنی ہے ۔انہوں نے کہا کہ رمضان المبارک کا بابرکت مہینہ شروع ہونے والا ہے انشا اﷲ اس کے صدقے سے پی ٹی آئی کے موقف کی تائید ہو گی اور سردار ایاز صادق کو گھر جانا پڑے گا۔سماعت کے دوران دونوں جماعتوں کے کارکنوں کی ایک بڑی تعداد الیکشن ٹربیونل کے احاطے میں موجود تھی جو وقفے وقفے سے ایک دوسرے کی قیادت کے خلاف نعرے بازی کرتی رہی تاہم پولیس کی نفری تعینات ہونے کی وجہ سے کوئی نا خوشگوار واقعہ پیش نہیں آیا۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.