دینی مدارس کی کردار کشی گہری سازش ہے، دینی اداروں سے آڈٹ کا مطالبہ بد نیتی پر مبنی ہے ،ملک وقوم کی ترقی کے لئے یکساں نصاب تعلیم ضروری ہے، ،انقلاب کے لئے دینی حلقوں کو متحد ہونا پڑے گا
جماعت اسلامی کے امیر سینیٹر سراج الحق کامدارس میڈیا ورکشاپ اور آئمہ و خطباء کورس کی اختتامی تقریب سے خطاب
پیر 15 جون 2015 22:16
اسلام آباد( اُردو پوائنٹ اخبار تازہ ترین۔ 15 جون۔2015ء ) جماعت اسلامی کے امیر سینیٹر سراج الحق نے کہا ہے کہ دینی مدارس کی کردار کشی گہری سازش ہے، دینی اداروں سے آڈٹ کا مطالبہ بد نیتی پر مبنی ہے ،ملک وقوم کی ترقی کے لئے یکساں نصاب تعلیم ضروری ہے،دینی مدارس شرح خواندگی میں اضافے کے لئے اہم کردار ادا کر رہے ہیں ،لیکن سازش کے تحت بجٹ میں ایک روپیہ بھی مدارس کے لئے نہیں رکھا گیا،انقلاب کے لئے دینی حلقوں کو متحد ہونا پڑے گا،مدارس فاؤنڈیشن اور مولانا عبدالقدوس محمدی نے علماء و طلباء کو میڈیا اور جدید تعلیم سے روشناس کرا کے پوری دنیا کے لئے رول ماڈل پیش کر دیا،اب مدارس بارے منفی پروپیگنڈہ بند ہو جانا چاہیے۔
وہ پیرکو یہاں جامع مسجد محمدی شہزاد ٹاؤن میں منعقدہ مدارس میڈیا ورکشاپ اور ائمہ و خطباء کورس کی اختتامی تقریب سے خطاب کر ر ہے تھے ۔(جاری ہے)
اس موقع پر جماعت اسلامی اسلام آباد کے رہنما میاں اسلم ،مدارس فاؤنڈیشن کے چیئرمین مولانا عبدالقدوس محمدی،مولانا عبدالجلیل ،مولانا یعقوب طارق،اخبار فروش فیڈریشن کے صدر چوہدری محمد شریف اور دیگر نے بھی خطاب کیا ،سراج الحق نے مدارس کے حوالے سے حکومتی پالیسیوں پر کڑی تنقید کرتے ہوئے کہا کہ جو حکومت مدارس کی امداد نہیں کرتی اس کیلئے مدارس سے آڈٹ کا مطالبہ مضحکہ خیز ہے،انہوں نے کہا کہ ہمارے ملک میں شرح خواندگی بڑھانے میں مدارس ناقابل فراموش کردار ادا کر رہے ہیں ،ان کی کردار کشی کے بجائے حوصلہ افزائی ہونی چاہیے ،امیر جماعت اسلامی نے کہا کہ مدارس میں جدید تعلیم ایک خوش آئنداور قابل تقلید اقدام ہے ،اس پر میں مولانا عبدالقدوس محمدی اور ان کی ٹیم کو مبارکباد پیش کرتا ہوں ،سراج الحق نے کہا کہ حالات کا تقاضا ہے کہ ہم فروعی اور چھوٹے چھوٹے اختلافات کو بالائے طاق رکھتے ہوئے اتحاد کی قوت سے دشمن کو شکست سے دوچار کریں ۔
اس موقع پر پاکستان بھر سے آئے ہوئے مدارس میڈیا ورکشاپ کے شرکاء میں اسناد اور انعامات بھی تقسیم کیے گئے۔مزید اہم خبریں
-
چیف جسٹس عامر فاروق کے بعد چیف جسٹس قاضی فائز عیسی کے پاس 6 ججز کا خط گیا مگر کیا ایکشن لیا گیا؟
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.