کیریبین لیگ :بارباڈوس نے گیانا کو 49 رنز سے شکست دیدی

پیر 22 جون 2015 11:49

برج ٹاؤن (اردو پوائنٹ تازہ ترین اخبار22جون۔2015ء) کیریبین پریمیئر ٹی ٹونٹی کرکٹ لیگ میں بارباڈوس ٹریڈنٹس نے گیانا ایمازون واریئرز کو 49رنز سے ہرا کر ایونٹ کا فاتحانہ آغاز کیا ۔ کیرون پولارڈ کو عمدہ آل راؤنڈ کارکردگی کا مظاہرہ کر نے پر مین آف دی میچ ایوارڈ دیا گیا ۔ بارباڈوس نے پہلے بیٹنگ کرتے ہوئے مقررہ اوورز میں چھ وکٹوں پر 158 رنز بنائے۔

کپتان کیرون پولارڈ نے جارحانہ انداز اپناتے ہوئے 26 گیندوں پر 2 چھکوں اور 5 چوکوں کی مدد سے 48 رنز کی قابل ذکر اننگز کھیلی ۔

(جاری ہے)

پاکستانی آل راؤنڈر شعیب ملک 39 رنز بنا کر دوسرے نمایاں بیٹسمین رہے ۔ جوناتھن کارٹر25 اور ڈوین سمتھ 13 رنز بنا کر میدان سے کوچ کرگئے ۔ نوین سٹیورٹ13رنز بنا کر ناقابل شکست پویلین لوٹے ۔ سنیل نارائن نے دووکٹیں حاصل کیں۔

جواب میں گیانا کی ٹیم مطلوبہ ہدف حاصل کرنے میں ناکام رہی اور 18 اوورز میں 109 رنز بنا کر آؤٹ ہو گئی۔ بریڈہوج 26 رنز کے ساتھ نمایاں پلیئررہے ۔ تلکرتنے دلشان24، ویر سیمی پرمال14 اور اسد فد ا دین 12 رنز بنا سکے ۔سات کھلاڑیوں کو ڈبل فیگر میں داخلے کی اجازت بھی نہ مل سکی۔ روی رامپال اور روبن پیٹرسن نے تین، تین، کیرون پولارڈ نے دو کھلاڑیوں کو آؤٹ کیا۔ جیسن ہولڈر کے ہاتھ ایک وکٹ لگی ۔

Facebook Twitter Google + Share on Whatsapp

کیریبین لیگ :بارباڈوس نے گیانا کو 49 رنز سے شکست دیدی

مزید کھیلوں کی خبریں