کتاب میں غلط نقشہ چھپنے کا واقعہ انتہائی افسوسناک اور ایک سنگین جرم کے مترادف ہے،شہبازشریف
پنجاب حکومت کا آٹھویں جماعت کی کتاب میں غلط نقشہ چھپنے کے واقعہ کی جوڈیشل انکوائری کرانے کا اعلان غلط نقشہ چھپنے کے واقعہ کی جوڈیشل انکوائری کیلئے چیف جسٹس لاہور ہائی کورٹ کو خط لکھا جائے گا،وزیراعلیٰ انسپکشن ٹیم بھی اس واقعہ کی علیحدہ تحقیقات کر کے اپنی رپورٹ پیش کرے گی،غلطی کی نشاندہی کے بعدمتعلقہ محکمے اورحکام کو فوری طورپرحرکت میں آنا چاہیے تھا، واقعہ فوری ایکشن کا متقاضی تھا،کمشنرز اور ڈی سی اوز غلط نقشے والی کتابیں واپس لینے کے حوالے سے فوری اقدامات اٹھائیں، افسوس کا مقام ہے کہ اتنے اہم معاملے میں کسی بھی سطح پر چیکنگ کا موثر میکانزم موجود نہیں ہے وزیراعلیٰ پنجاب محمد شہبازشریف کا اعلی سطح کے اجلاس سے خطاب
اتوار 28 جون 2015 16:46
لاہور(اُردو پوائنٹ اخبار تازہ ترین۔ 28 جون۔2015ء ) وزیراعلیٰ پنجاب محمد شہبازشریف نے کہا ہے کہ آٹھویں جماعت کی جغرافیہ کی کتاب میں غلط نقشہ چھپنے کا واقعہ انتہائی افسوسناک ہے اور یہ ایک سنگین جرم کے مترادف ہے ،لہذاپنجاب حکومت آٹھویں جماعت کی جغرافیہ کی کتاب میں غلط نقشہ چھپنے کے واقعہ کی جوڈیشل انکوائری کرائے گی اورجوڈیشل انکوائری کیلئے چیف جسٹس لاہور ہائی کورٹ کو خط لکھا جائے گا۔
وہ یہاں ایک اعلی سطح کے اجلاس کی صدارت کررہے تھے ،جس میں آٹھویں جماعت کی جغرافیہ کی کتاب میں غلط نقشہ چھپنے کے واقعہ کے حوالے سے مختلف امورکا تفصیلی جائزہ لیاگیا۔اجلاس سے خطاب کرتے ہوئے وزیراعلیٰ شہبازشریف نے کہا کہ آٹھویں جماعت کی کتاب میں سرائیکستان اور ہزارہ کا غلط نقشہ چھپنے کا واقعہ انتہائی افسوسناک ہے۔(جاری ہے)
متعلقہ محکمے کے اندرچیک اینڈ بیلنس کا موثر نظام ہوتا تو کسی صورت غلط نقشہ نہ چھپتااورفاش غلطی کو بروقت روکا جاسکتا تھا۔
متعلقہ محکمے نے اپنی ذمہ داری پوری طرح ادا نہیں کی،جس کے باعث آٹھویں جماعت کی جغرافیہ کی کتاب میں غلط نقشہ چھپنے کی فاش غلطی ہوئی۔ انہوں نے کہا کہ اس فاش غلطی کی نشاندہی کے بعدمتعلقہ محکمے اورحکام کو فوری طورپرحرکت میں آنا چاہیے تھا کیونکہ یہ افسوسناک واقعہ فوری ایکشن کا متقاضی تھا لیکن افسوس کے متعلقہ محکمے نے اپنی ذمہ داری ادا کی نہ بروقت ایکشن لیا گیااورذمہ داریاں سے بطریق احسن عہدہ براہ نہیں ہوا گیا،جس روزیہ واقعہ اعلی حکام کے علم میں آیا اسی روزجنگی بنیادوں پر فوری ایکشن ہونا چاہیے تھاکیونکہ یہ کوئی معمولی واقعہ نہیں۔وزیراعلیٰ نے کہا کہ وزیراعلیٰ انسپکشن ٹیم بھی اس واقعہ کی علیحدہ تحقیقات کر کے اپنی رپورٹ پیش کرے گی اور اس سنگین جرم میں ملوث ذمہ دار قانون کے مطابق سزا سے نہیں بچ پائیں گے۔ انہوں نے کہا کہ افسوس کا مقام ہے کہ اتنے اہم معاملے میں کسی بھی سطح پر چیکنگ کا موثر میکانزم موجود نہیں ہے،تاہم اب مستقبل میں چیکنگ اورمانیٹرنگ کا موثر نظام وضع کرنا انتہائی ضروری ہے۔ وزیراعلیٰ نے ہدایت کی کہ غلط نقشے والی تمام کتابیں سکولوں اورمارکیٹ سے فوری واپس اٹھائی جائیں اوراس ضمن میں کمشنرز اور ڈی سی اوز جنگی بنیادوں پر اقدامات اٹھائیں جبکہ درست نقشے والی نئی کتابوں کا بھی فوری طورپر بندوبست کیا جائے۔صوبائی وزیر تعلیم رانا مشہود احمد، چیف سیکرٹری، سیکرٹری قانون، سیکرٹری سکولز ایجوکیشن، چےئرمین پنجاب کریکلم اینڈ ٹیکسٹ بک بورڈ اور ایم ڈی پنجاب کریکلم اینڈ ٹیکسٹ بک بورڈ نے اجلاس میں شرکت کی۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.