پاک سری لنکا ٹیسٹ ‘ سری لنکا نے دوسرے ٹیسٹ میں پاکستان کو 7وکٹوں سے شکست دے کر سیریز 1-1سے برابر کردی
پیر 29 جون 2015 13:14
کولمبو (اُردو پوائنٹ اخبار تازہ ترین۔ 29 جون۔2015ء) پاکستان اور سری لنکا کے مابین تین ٹیسٹ میچوں کی سیریز کے دوسرے ٹیسٹ میچ میں سری لنکا نے پاکستان کو 7وکٹوں سے شکست دے کر سیریز 1-1سے برابر کردی‘ سری لنکا نے میچ کے آخری دن 153 رنز کا ہدف 3وکٹوں کے نقصان پر پورا کرلیا‘ سری لنکا کی جانب سے کارونا رتنے 50‘ کپتان انجیلو میتھیوز43‘ وتھنگے 34 رنز بنا کر نمایاں بلے باز رہے‘ پاکستان کی جانب سے یاسر شاہ نے 2 اور ذوالفقار بابر نے ایک وکٹ حاصل کی‘ سری لنکا کے فاسٹ باؤلر دھمیکا پرساد کو میچ میں 7وکٹیں حاصل کرنے پر مین آف دی میچ قرار دیا گیا۔
تفصیلات کے مطابق پاکستان اور سری لنکا کے مابین کولمبو کرکٹ گراؤنڈ میں میچ کے آخری دن سری لنکن ٹیم نے 153 رنز کے ہدف کے تعاقب میں اپنی اننگز کا آغاز کیا تو کارونارتنے اور رتھنگے نے شاندار بلے بازی کا مظاہرہ کرتے ہوئے ٹیم کو 49رنز کا اوپننگ سٹینڈ مہیا کیا۔(جاری ہے)
49رنز کے سکور پر رتھنگے 34رنز بنا کر ذوالفقار بابر کی گیند پر محمد حفیظ کے ہاتھوں کیچ آؤٹ ہوگئے۔
نئے آنے والے بیٹسمین سنگاکارا پہلی ہی گیند پر یاسر شاہ کی گیند پر اظہر علی کے ہاتھوں بغیر کوئی رنز سکور کئے آؤٹ ہوگئے۔ نئے آنے والے بیٹسمین سری لنکن کپتان اینجلو میتھیوز نے کارونا رتنے کے ساتھ تیسری وکٹ کی شراکت میں 72 رنز کی پارٹنر شپ قائم کرکے ٹیم کا سکور 121رنز تک پہنچا دیا۔ 121رنزکے مجموعی سکور پر سری لنکن اوپنر کارونا رتنے 50رنز بنا کر یاسر شاہ کی گیند پر ایل بی ڈبلیو ہوگئے۔ سری لنکا نے 26.3اوورز میں تین وکٹوں کے نقصان پر ہدف پورا کرلیا۔ لنکن کپتان اینجلو میتھیوز 43 اور تھرمانے 20رنز بنا کر ناقابل شکست رہے۔ پاکستان کی جانب سے لیگ سپنر یاسر شاہ نے دو اور ذوالفقار بابر نے ایک کھلاڑی کو آؤٹ کیا۔ سری لنکا کے فاسٹ باؤلر دھمیکا پرساد کو میچ میں مجموعی طورپر سات وکٹیں حاصل کرنے پر مین آف دی میچ کا ایوارڈ دیا گیا۔سری لنکا اور پاکستان کے مابین تین ٹیسٹ میچوں کی سیریز کا تیسرا اور آخری میچ تین جولائی سے پالا کیلی میں کھیلا جائے گا۔ جبکہ دونوں ملکوں کے مابین پانچ ایک روزہ میچوں کی سیریز کا آغاز گیارہ جولائی سے ہوگا۔مزید کھیلوں کی خبریں
-
نووواک جوکووچ میڈرڈ اوپن ٹینس ٹورنامنٹ میں حصہ نہیں لیں گے
-
بھارتی کھلاڑی رانا سنگھ نے پاکستان کیخلاف نازیبا الفاظ استعمال کئے ، مجھے گالیاں اور دھکے دیئے اس لئے تھپڑ مارا ، پاکستانی فائٹر شاہ زیب رند
-
یو اے ای کے نوجوان بیڈمنٹن کھلاڑیوں نے بین الاقوامی ٹورنامنٹ جیت کرتاریخ رقم کر دی
-
آسٹریلین جونیئر اوپن اسکواش چیمپئن شپ میںمیڈلز جیتنے والے کھلاڑیوں کا پشاور پہنچنے پر تپاک اسقبال
-
پاکستان اورنیوزی لینڈ کی کرکٹ ٹیموں کے درمیان چوتھا ٹی ٹونٹی میچ 25 اپریل کو کھیلا جائے گا
-
پاکستان ماسٹر ٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
لاہور کی بارش نے پاکستانی کرکٹرز کیلئے چائے کا موڈ بنادیا
-
ویرات کوہلی کا آؤٹ ہونے پر غصے کا اظہار: زمین اور کوڑے دان کو بلاّ دے مارا، ویڈیو وائرل
-
راشد لطیف، عثمان خان کے یو اے ای چھوڑنے کے فیصلے سے ناخوش
-
ریٹائرڈ کھلاڑی اب بھی ہماری موجودہ ٹیم کے پلئیرز سے بہت بہتر ہیں، سلمان بٹ کا طنز
-
ویسٹ انڈین آل راؤنڈرسنیل نارائن نے ٹی ٹوئنٹی ورلڈکپ میں واپسی کو مسترد کر دیا
-
چترال فٹ بال لیگ سیزن فور آئندہ ماہ مئی میں کھیلی جائے گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.