گیس کی فراہمی معطل ،پاکستان اسٹیل کی پیداوار صفر سطح پر آگئی
بلاسٹ فرنس کا شدید نقصان ،مربوط کارخانوں پر مشتمل اسٹیل پلانٹ مکمل بند ہوجائیگا
پیر 29 جون 2015 17:25
کراچی (اُردو پوائنٹ اخبار تازہ ترین۔ 29 جون۔2015ء) پاکستان اسٹیل کی پیداوار صفر سطح پر آگئی کیونکہ 10 جون 2015سے گیس کی فراہمی معطل کردی گئی تھی۔ اس صورت حال کے سدباب کے لئے وفاقی وزیر پیٹرولیم اینڈ نیچرل ریسورسز شاہدخا قان عباسی اور سوئی سدرن گیس کمپنی کے حکام سے باربار درخواست کی گئی لیکن وہاں سے کوئی مثبت جواب موصول نہیں ہوا۔ ان حالات کے باوجوداب تک بلاسٹ فرنسز کو فعال رکھا گیا لیکن بار بار بند کرنے اور چلانے سے ایک بلاسٹ فرنس کا اندرونی ٹمپریچر انتہائی کم ہوگیاہے اور اس کی لانسنگ کی جا رہی ہے۔
جب کہ دوسرا بھی اسی صورتحال کے قریب ہے۔ مزید براں اگر گیس کی بندش مزید دیر تک جاری رہتی ہے تواس صورت میں فرنس کولرزسے پانی کا اخراج شروع ہوجائے گا اور نتیجتاً پلانٹ کے بہت بڑے اسٹر کچر کو شدید نقصان پہنچنے کا اندیشہ ہے اور پلانٹ مکمل بند ہو جائے گا۔(جاری ہے)
اس سنگین صورت حال کے بارے میں اعلیٰ سطح پر آگاہ کیا جا چکا ہے کہ اسٹیل میکنگ اور رولنگ پلانٹ سے پیداوارپہلے ہی حاصل نہیں کی جاسکتی اور گیس کی مزید عدم فراہمی کے باعث پیداوار دینے والے اہم ترین یونٹ بلاسٹ فرنس کے بند ہونے کا بھی احتمال ہے۔
یہاں یہ بات قابل ِ غور ہے کہ وزارت پیٹرولیم اینڈ نیچرل ریسورسز کو سوئی سدرن گیس کمپنی سے اس سلسلے میں باز پرس کرنا چاہیے اور قومی مفاد کو مد نظر رکھتے ہوئے پاکستان اسٹیل کو فراہمی گیس کے پریشر کو معمول کے مطابق باقاعدہ کرنا ضروری ہے تاکہ پاکستان اسٹیل کو اربوں روپے کے نقصان سے بچایا جا سکے۔ اس کے علاوہ یہ بات بھی اہمیت کی حامل ہے کہ پاکستان اسٹیل کی بندش کے باعث ملک کی صنعتوں کا انحصار مکمل طور پر درامدی اسٹیل پر ہو جائے گا اور اس سے قومی خزانے اور زرمبادلہ پر منفی اثرات مرتب ہونگے ۔ گذشتہ 8 ماہ کے دوران پاکستان اسٹیل کی اوسط پیداوار 27سے 30فیصد رہی ہے اس دوران پاکستان اسٹیل کے مربوط پلانٹ کو دوبارہ بحال اور فعال کرنے میں پاکستان اسٹیل کے محنتی اور جفاکش ہنر مندوں اور ادارے کے تجربہ کار انجیئنروں کی صلاحیتوں اور افرادی قوت نے جو اہم کردار ادا کیا یہ گیس کی عدم فراہمی اس Achievement کوضائع کرنے کے مترادف ہے اس صورت حال کے باعث کہیں یہ ادار ہ مستقل طور پر مکمل بند نہ ہوجائے ۔مزید تجارتی خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
سونے کی قیمتوں میں اضافے کا رجحان برقرار
-
روٹی زائد قیمت پر فروخت کرنے والوں کیخلاف کریک ڈائون جاری، 115 افراد گرفتار
-
ایس ای سی پی نے نیا آن لائن کمپلینٹ مینجمنٹ سسٹم ’ایس ای سی پی ایکس ایس‘ متعارف کروا دیا
-
بینک دولتِ پاکستان کی زری پالیسی کمیٹی (ایم پی سی)کا اجلاس 29اپریل کو ہوگا
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ
-
عالمی اور مقامی مارکیٹوں میں سونے کی قیمت میں مزید اضافہ
-
ایل پی جی کی درآمدات میں جاری مالی سال کے دوران سالانہ بنیادوں پر9 فیصد اضافہ
-
کریڈٹ کارڈز کے زریعہ خریداری اورادائیگیوں میں مارچ کے دوران سالانہ بنیادوں پر26.1 فیصداضافہ
-
ملک میں دالوں کی درآمدات میں جاری مالی سال کے دوران کمی
-
پاکستان سٹاک ایکسچینج میں تیزی، 100 انڈیکس72 ہزار445پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.