سابق وفاقی وزیر نذر گوندل کی تحریک انصاف میں شمولیت کی خبروں کی تردید

پیپلزپارٹی سے الگ ہونے کا کوئی فیصلہ نہیں

منگل 30 جون 2015 20:41

اسلام آباد ( اُردو پوائنٹ اخبار تازہ ترین۔ 30 جون۔2015ء ) پیپلزپارٹی کے مرکزی رہنماء سابق وفاقی وزیر نذر گوندل نے تحریک انصاف میں شامل ہونے کی خبروں کی تردید کرتے ہوئے کہا ہے کہ انہوں نے پیپلزپارٹی سے الگ ہونے کا کوئی فیصلہ نہیں کیا ۔

(جاری ہے)

نذر گوندل کے قریبی ذرائع نے میڈیا کی ان اطلاعات کو غلط قرار دیدیا ہے کہ وہ پیپلزپارٹی سے الگ ہوکر تحریک انصاف میں شامل ہونے والے ہیں ۔ ذرائع کے مطابق ان خبروں میں کوئی صداقت نہیں ہے ۔ دریں اثناء پیپلزپارٹی کے رہنماء ندیم افضل حسین نے کہا ہے کہ ان کی نذر گوندل سے ملاقات ہوئی ہے جس میں انہوں نے تحریک انصاف میں شامل ہونے کی خبروں کی تردید کی ہے ۔