سپریم کورٹ نے نیب سے کرپشن کے 50 میگا سکینڈل کے متعلق تفصیلی رپورٹ طلب کرلی
منگل 30 جون 2015 22:26
اسلام آباد ۔ 30 جون (اُردو پوائنٹ اخبار تازہ ترین۔ 30 جون۔2015ء) سپریم کورٹ نے نیب سے کرپشن کے 50 میگا سکینڈل کے متعلق تفصیلی رپورٹ طلب کرلی۔ منگل کوجسٹس جواد ایس خواجہ کی سربراہی میں تین رکنی بینچ نے نیب کارکردگی سے متعلق کیس کی سماعت کی ۔اس موقع پراٹارنی جنرل سلیمان اسلم بٹ ، نیب کے پراسیکوٹرجنرل وقاص قدیرڈارکے علاوہ لاء اینڈجسٹس کمیشن کے سیکرٹری عدالت کے روبرو پیش ہوئے، اٹارنی جنرل نے نیب کی کارکردگی کے حوالے سے عدالت کورپورٹ پیش کی جس کے مطابق نیب میں گزشتہ پانچ سال کے دوران کل 19997 شکایات ملیں تھیں جن میں سے 467 شکایات انکوائری میں تبدیل ہوئی ہیں اس کے ساتھ آنے والی 1890 شکایات کونمٹا دیاگیاہے ۔
انہوں نے عدالت کے ایک سوال کے جواب میں کہاکہ نیب کوجو شکایات ملتی ہیں ان کاجائزہ لینے کے بعد اگرکوئی شکایت درست ثابت ہوتی ہے توشکایت کنندہ کوبلاکر کیس کے حوالے سے باقاعدہ کارروائی کی جاتی ہے ۔(جاری ہے)
جسٹس جواد ایس خو اجہ نے کہاکہ کیا حکومت نے کبھی اس امرکاجائزہ لیاہے کہ ملک میں یہ کیاہورہاہے ہرطرف کرپشن کے چرچے ہیں آخرکرپشن کے اس سلسلے کوکس طرح روکاجائے گا ، انہوں نے کہاکہ یہاں لوگ کرپشن کرکے اس کامحض تھوڑا حصہ واپس کرتے ہیں اورپھرنیب کی چھتری لے کرآزادی سے گھومتے ہیں ۔
جسٹس شیخ عظمت سعید نے پراسیکوٹر جنرل سے استفسارکیا کہ نیب کے کوئی ایس اوپیزہیں یانیب آرڈیننس کے تحت ایس اوپیز بنائے جاسکتے ہیں پراسیکوٹر جنرل نے بتایاکہ نیب کے سروس رولز بنائے گئے ہیں ، اس کے ساتھ عدالت کی ہدایت پرنیب کے حو الے سے ڈیٹا جمع کیاجارہاہے کچھ جمع کرلیاہے تاہم ایک دودن میں ساراڈیٹاجمع کرلیاجائے گا انہوں نے کہاکہ نیب کابنیادی مقصد بڑی کرپشن کاخاتمہ کرناہے جس کیلئے اقدامات کئے جاررہے ہیں ۔جسٹس جواد ایس خواجہ نے کہاکہ ہمارے پاس ایک پٹواری کے حوالے سے خط آیاہے جو مرگیا ہے لیکن نیب کہہ رہاہے کہ اس کے ورثاء کوپکڑاجائے گا، لیکن بڑے کیسوں میں ملوث لوگوں کیخلاف ایکشن نہیں لیاجارہا ۔انہوں نے پراسیکوٹرجنرل سے کہاکہ کرپیشن پاکستان کاالمیہ بنتاجارہاہے عدالت کو مالیاتی کرپشن ، لینڈ مافیا اوراختیارات کے ناجائزاستعمال کے حوالے سے پچاس بڑے سکینڈل کی تفصیلات بتائی جائیں کیونکہ جتناوقت ایک پٹواری کیخلاف ایکشن پرلگتاہے اتناہی وقت اوروسائل اربوں روپے کے کرپشن کرنے والے فرد کیخلاف تحقیقات اورکارروائی پرلگتے ہیں، اٹارنی جنرل نے تین لاکھ روپے کے ایک کرپشن کاذکرکیااورکہاکہ جتنے وسائل اس پرخرچ ہوئے اتنے ہی وسائل بڑے کرپشن کیسوں پرلگانے پڑتے ہیں جسٹس شیخ عظمت سعید نے کہاکہ نیب کے وسائل محدود ہیں اگران کوچھوٹے کیسوں کے پیچھے لگائیں گے توبڑے کیسوں کاکیابنے گا ۔نیب میں پلی بارگیننگ اور رضاکارانہ رقم لے کر چھوڑنے کی شرح 75 فیصد ہے ،نیب کی کارکردگی کا یہ عالم ہے کہ لوگ بدعنوانی کی شکایات رینجرز،پولیس اور میڈیا کے پاس لے کر جاتے ہیں لیکن نیب کے پاس جانا پسند نہیں کرتے۔ بتایاجائے کہ پلی بارگین کے بعد اب بھی نیب کواپناحصہ ملتاہے جس پرپراسیکوٹرجنرل نے بتایاکہ اب نیب کوکوئی حصہ نہیں ملتا ۔عدالت نے مالیاتی سکینڈل کے ساتھ لینڈ مافیاکے سکینڈل اور اختیارات کے غلط استمال سے متعلق کیسوں کی تفصیلات فراہم کی جائیں ہم جائزہ لیں گے کہ نیب کیا کررہی ہے ۔کرپشن میں ملوث لوگوں کی پراسیکوشن نہ ہونے کے باعث ملزمان کے چھوٹنے کی شرخ بہت زیادہ ہے ۔بعد ازاں عدالت نے مزید سماعت سات جولائی تک ملتوی دی۔متعلقہ عنوان :
مزید اہم خبریں
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
-
معاشی چیلنجز سے نمٹنے کے لیے سیاسی استحکام ،پالیسیوں کے تسلسل کی ضرورت ہے‘احسن اقبال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.