انڈونیشیا میں فوجی طیارہ گرکر تباہ ، 116 افراد ہلاک،متعدد زخمی
طیارے میں 101 مسافروں سمیت113 افراد سوار تھے ،مرنے والوں میں فضائیہ کے افسروں کے خاندان بھی شامل طیارے میں فنی خرابی پیدا ہونے کے بعد پائلٹ کو واپس ائیربیس پر اترنے کے لیے کہا گیا تھا،حکام
منگل 30 جون 2015 23:03
جکارتہ(اُردو پوائنٹ اخبار تازہ ترین۔ 30 جون۔2015ء) انڈونیشیا میں فوجی طیارہ گر کر تباہ ہوگیا جس کے نتیجے میں 116 افراد ہلاک اور متعدد زخمی ہوگئے۔عالمی میڈیا کے مطابق انڈونیشیا کے فوجی ترجمان کے مطابق فوج کے زیر استعمال سی 130 ہرکیولیس طیارے نے شمالی سماٹرا کے شہرمدان کے فوجی اڈے سے اڑان بھری تھی جس میں 101 مسافروں سمیت113 افراد سوار تھے اور ان میں فضائیہ کے افسروں کے خاندان بھی شامل تھے۔
طیارہ پرواز بھرنے کے فوری بعد ہی شہر کے گنجان آباد علاقے میں گر کر تباہ ہوگیا۔ حادثے سے 2 رہائشی عمارتوں اوردیگر املاک کو آگ لگ گئی۔ انڈونیشا کی فوج کے ترجمان فواد بسیا نے طیارے میں موجود تمام مسافروں کی ہلاکت کی تصدیق کردی ہے جب کہ طیارے سے لاشوں کو نکالنے کا کام جاری ہے۔(جاری ہے)
انڈونیشین ایئر فورس چیف کا کہنا ہے کہ انہوں نے حادثے کی جگہ کا معائنہ کیا جہاں اب تک 66 لاشوں کو طیارے سے نکال لیا گیا ہے جب کہ دیگر لاشوں کی تلاش کا کام جاری ہے۔
میڈیا رپورٹس کے مطابق طیارے میں فنی خرابی پیدا ہونے کے بعد پائلٹ کو واپس ائیربیس پر اترنے کے لیے کہا گیا تھا۔واضح رہے کہ انڈونیشی فوج کے حادثے کا شکار ہونے والے اس طیارے کی عمر پچاس سال کے لگ بھگ تھی۔ایسے ہی تین طیارے پہلے بھی حادثات کا شکار ہوچکے ہیں جس کی وجہ سے انڈونیشیا میں فضائی تحفظ کے حوالے سے خدشات کا اظہار کیا جاتا رہا ہے۔انڈونیشی فضائیہ کے ترجمان ڈیوی بدر منٹو کا کہنا ہے کہ فی الوقت حادثے کی وجوہ غیر واضح ہیں اور اس کی تحقیقات تک آٹھ دوسرے سی 130 بی طیارے گراؤنڈ کردیے جائیں گے۔مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.