ایران پر یورپی پابندیوں کے انجماد میں ایک ہفتے کی توسیع
ایران کو جوہری معاہدے کیلئے مثبت اقدام کرنا ہونگے،ایران سے ایٹمی معاہدے کی شرائط اطمنان بخش نہ ہوئیں تو قبول نہیں کریں گے ، معاہدے کی شرائط کو پورا کرنا ایرانیوں کاکام ہے،میری خواہش ہے کہ ایران کے ساتھ جوہری معاہدہ ہوجائے امریکی صدر براک اوباما
منگل 30 جون 2015 23:06
واشنگٹن/ ویانا(اُردو پوائنٹ اخبار تازہ ترین۔ 30 جون۔2015ء ) امریکی صدر براک اوباما نے کہا ہے کہ ایران کو جوہری معاہدے کیلئے مثبت اقدام کرنا ہونگے،ایران سے ایٹمی معاہدے کی شرائط اطمنان بخش نہ ہوئیں تو قبول نہیں کریں گے ، معاہدے کی شرائط کو پورا کرنا ایرانیوں کاکام ہے ۔عالمی میڈیا کے مطابق امریکی صدر براک اوباما کا کہنا ہے کہ ایران سے جوہری معاہدہ ایران کی یقین دہانیوں پر منحصر ہے ،ایران سے ایٹمی معاہدے کی شرائط اطمنان بخش نہ ہوئیں تو قبول نہیں کریں گے ۔
انھوں نے کہاکہ ایٹمی معاہدے کی شرائط کو پورا کرنا ایرانیوں کاکام ہے ۔میری خواہش ہے کہ ایران کے ساتھ جوہری معاہدہ ہوجائے ۔اوباما نے کہاکہ ابھی مذاکرات میں کچھ مشکل چیزیں موجود ہیں اسکے باوجود امید ہے کہ حتمی معاہدے تک پہنچ جائیں گئے ۔(جاری ہے)
اس سے قبل یورپی یونین نے ایران پر عاید پابندیوں کے انجماد میں ایک ہفتے کی توسیع کردی ہے جبکہ ایران اور چھے بڑی طاقتوں کے درمیان جوہری تنازعے پر معاہدے کو حتمی شکل دینے کے لیے ویانا میں مذاکرات جاری ہیں۔
یورپی کونسل کی جانب سے منگل کو جاری کردہ ایک بیان میں کہا گیا ہے کہ ایران کے جوہری تنازعے کے تصفیے کے لیے جاری مذاکرات کو مزید وقت دینے کی غرض سے یورپی یونین نے ایران پر عاید قدغنوں کی معطلی میں 7 جولائی 2015ء تک توسیع کردی ہے۔ایران اور چھے بڑی طاقتوں کے درمیان اس وقت ویانا میں جوہری معاہدے کو حتمی شکل دینے کے لیے مذاکرات کا فیصلہ کن دور جاری ہے۔اگر طرفین کے درمیان معاہدہ طے پاجاتا ہے تو اس کے تحت ایران پر عاید یورپی یونین ،امریکا اور اقوام متحدہ کی پابندیاں ختم یا نرم کردی جائیں گی اور وہ ان کے بدلے میں اپنے جوہری پروگرام پر حساس نوعیت کا کام بند کردے گا۔ایران اور اقوام متحدہ کی سلامتی کونسل کے پانچ مستقل رکن ممالک امریکا ،فرانس ،روس ،برطانیہ ،چین اور جرمنی کے درمیان جوہری تنازعے پر معاہدے کے لیے جاری مذاکرات کی ڈیڈ لائن30 جون کو ختم ہوگئی ہے اور طرفین کے درمیان موجود اختلافی امور طے نہیں کیے جاسکے ہیں۔مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.