پاکستان اور بھارت کے درمیان کشیدگی ختم کرنے کے لئے عالمی فورم سرگرم
بدھ 1 جولائی 2015 13:39
نیویارک (اُردو پوائنٹ اخبار تازہ ترین۔ یکم جولائی۔2015ء) اقوام متحدہ پاک بھارت کشیدگی کو کم کرنے کے لئے دونوں ممالک کے درمیان مذاکرت کے آغاز کے لئے سرگرم ہو گیا ۔ اس سلسلے میں سیکرٹری جنرل بان کی مون نے دونوں ممالک پر زور دیا ہے کہ کشیدگی ختم کرنے اور کشمیر سمیت تمام مسائل کو حل کرنے کے لئے فوری طور پر بات چیت کا آغاز کریں ۔ بھارتی میڈیا کے مطابق اقوام متحدہ کی سالانہ کانفرنس کے دوران پاک بھارت وزرائے اعظم کے درمیان ملاقات کو یقینی بنانے کے لئے بھی سابق سفارتکار متحرک ہو گئے ہیں ۔
دونوں ملکوں کو قریب لانے کے لئے امریکہ بھی سرگرم ہو گیا ہے اور اقوام متحدہ کی سالانہ کانفرنس سے پہلے اوبامہ انتظامیہ نے پاکستان اور بھارت کے وزرائے اعظم کے درمیان سالانہ اجلاس کے دوران ملاقات کو یقینی بنانے کے لئے امریکہ میں تعینات پاک بھارت سفارتکاروں سے صلاح مشورہ شروع کیا ہے ۔(جاری ہے)
رپورٹ کے مطابق پاکستان اور بھارت کے درمیان پچھلے چار ماہ کے دوران شدید نوعیت کی بیان بازی کے بعد امریکہ ، برطانیہ اور اقوام متحدہ نے دونوں ملکوں کو مذاکرات کا راستہ اپنا کر پیچیدہ مسائل حل کرنے پر زور دیتے ہوئے کہاکہ جنگ و جدل سے مسائل حل نہیں ہوا کرتے ہیں بلکہ مذاکرات کے ذریعے ہی مسائل کو حل کرنے کی راہ ہموار ہو سکتی ہے ۔
رپورٹ کے مطابق پاکستان اور بھارت کے درمیان مذاکرات شروع کرنے کے لئے پاکستان اور بھارت کے سابق سفارتکار ، فوجی آفیسر اور حافی بھی سرگرم ہو گئے ہیں اور خفیہ طور پر بات چیت شروع کرنے پر بھی دونوں ملک سنجیدگی کے ساتھ غور کر رہے ہیں ۔ رپورٹ کے مطابق آنے والے دنوں کے دوران پاکستان اور بھارت کے درمیان کشیدگی کو ختم کرنے کے لئے سیکرٹری سطح پر دوبارہ بات چیت شروع کرنے کے بارے میں بھی افواہیں گشت کر رہی ہے لیکن بھارت کی مرکزی حکومت نے پاکستان پر واضح کر دیا ہے کہ بھارت پاکستان کے ساتھ بات چیت شروع کرنے کے لئے تیار ہے ۔تاہم اس کے لئے پاکستان کو دہشت گردی کے ڈھانچے کو منہدم کرنا ہو گا تب دونوں ملکوں کے درمیان بات چیت کی راہ ہموار ہو سکتی ہے ۔مزید اہم خبریں
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
نواز شریف کو پارٹی صدر بنانے کی تیاریاں،ن لیگ پنجاب کا ہنگامی اجلاس آج طلب
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.