ملالہ پر حملے کے مجرموں کو سزا دی جائے ‘ امریکی سینیٹرز کا مطالبہ
بدھ 1 جولائی 2015 14:50
واشنگٹن(اُردو پوائنٹ اخبار تازہ ترین۔ یکم جولائی۔2015ء) دو امریکی سینیٹروں نے پاکستان پر زور دیا ہے کہ نوبل انعام یافتہ ملالہ یوسفزئی پر قاتلانہ حملہ کرنے والے مجرموں کو سزا دینے کی کوششوں کی رفتار میں اضافہ کرے۔میڈیا رپورٹ کے مطابق سینیٹرز مارکو روبیو اور باربرا باکسر نے حال ہی میں دس میں سے آٹھ ملزمان کو بری کیے جانے پر گہری تشویش کا اظہار کیا ہے۔
امریکا میں پاکستانی سفیر جیل عباس جیلانی کے نام تحریر کیے گئے ایک خط میں انہوں نے کہا کہ ہم پاکستانی حکومت پر زور دیتے ہیں کہ وہ اس سفاکانہ حملے کا ارتکاب کرنے والوں کو انصاف کے کٹہرے میں لانے کے لیے شفاف اور عوامی انداز میں اپنی کوششوں کی رفتار کو دوگنا کردے۔ریپبلکن پارٹی سے رکن مارکو روبیو خارجہ تعلقات پر امریکی سینیٹ کی کمیٹی کی ذیلی کمیٹی برائے مغربی نصف کرہ کے صدر ہیں ‘ڈیموکریٹ پارٹی کی رکن باربرا باکسر اس کمیٹی کی رکن ہیں۔(جاری ہے)
انہوں نے کہا کہ اگرچہ اس مقدمے کی سماعت کی شفافیت کی کمی اور دس افراد کے خلاف مقدمات کے سلسلے میں اطلاعات کی عمومی غیرموجودگی کے بارے میں شدید تشویس تھی تاہم انہوں نے اس اعلان کا خیرمقدم کیا تھا۔
پاکستانی سفیر کو ارسال کیے گئے اپنے خط میں انہوں نے تحریر کیا کہ یہ جان کر کہ پاکستانی عدالتی نظام اس گھناوٴنے فعل کا ارتکاب کرنے والوں کو قرار واقعی سزا دینے کے لیے متحرک طور پر کام کررہا ہے، ہم نے اس کی حوصلہ افزائی کی تھی۔انہوں نے کہاکہ یہی وجہ ہے کہ ہم میڈیا کی حالیہ رپورٹوں سے خاص طور پر فکرمند ہیں کہ ان دس مجرموں میں سے آٹھ کو ان کے خلاف عائد کیے گئے الزامات سے بری کردیا گیا ہے امریکی سینیٹروں نے زور دیا کہ اس بریت نے پاکستان کے عدالتی نظام کی شفافیت اور احتساب کے حوالے سے نمایاں خدشات پیدا کردئیے ہیں۔انہوں نے کہا کہ ہم نہایت احترام کے ساتھ درخواست کرتے ہیں کہ پاکستان کا عدالتی نظام ان دس افراد کے خلاف مقدمات کے حوالے سے ایماندارانہ اور شفاف انداز میں محاسبہ فراہم کرے گا اور ایک معصوم نوعمر لڑکی کو انصاف فراہم کرنے کے لیے اس پر سفاکانہ حملے کے مرتکب افراد کو قرارواقعی سزا دلوانے کے لیے کام جاری رکھے گا۔امریکی قانون سازوں نے تحریر کیا ہے کہ طالبان نے ملالہ کو اس لیے نشانہ بنایا کہ وہ خواتین کے حقوق اور لڑکیوں کی تعلیم کی سرعام وکالت کررہی تھیں۔متعلقہ عنوان :
مزید اہم خبریں
-
پاکستان کے ساتھ کوئی کشیدگی نہیں ہے، امریکہ
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
-
بھارت: بی جے پی کے اکلوتے مسلم اُمیدوار کون ہیں؟
-
قانون نافذ کرنے والے اداروں کی یونیفارم پہننا خلافِ قانون ہے،بیرسٹر سیف
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.