جان لیوا گرمی کی شدید لہر مکمل طور پر ختم نہیں ہوئی ‘ درجہ حرات میں کمی آئی ہے ‘ ماہرین ماحولیات
بدھ 1 جولائی 2015 14:50
کراچی (اُردو پوائنٹ اخبار تازہ ترین۔ یکم جولائی۔2015ء) ماہرین ماحولیات نے کہا ہے کہ جان لیوا گرمی کی شدید لہر مکمل طور پر ختم نہیں ہوئی اور کراچی میں درجہ حرارت میں کمی آنے اور موسمیاتی پیٹرن بہتر ہونے کے باوجود سمندری ہوائیں اب تک چلنا شروع نہیں ہوئی ہیں۔حکام کے مطابق کراچی میں 22 مزید اموات کے بعد شہر میں اب تک ہونے والی اموات کی تعداد 1256 تک پہنچ گئی ہے ‘بدین اور تھر کے اضلاع میں مزید تین اموات کے بعد سندھ کے دیگر اضلاع میں گرمی کی شدت کے باعث ہلاک ہونے والے افراد کی تعداد 101 ہوگئی صوبے بھر میں اموات کی مجموعی تعداد 1357 تک جاپہنچی اہم ماہرین ماحولیات نے خبردار کیا کہ حکام کو موجودہ گرمی کی لہر کی وجہ سے مزید جانوں کے زیاں کو کم کرنے کیلئے بہت زیادہ کام کرنا ہوگا اور مستقبل میں اس طرز کی مزید موسمیاتی آفات کے خطرے کیلئے تیاری کرنی ہوگی۔
(جاری ہے)
انہوں نے کہا کہ درجہ حرارت میں کمی آنے کے باوجود سمندری ہوائیں مکمل طور پر واپس نہیں آئی ہیں یہ ہوائیں اس شہر کا کولنگ سسٹم ہیں۔
ڈاکٹر طاہر قریشی نے تصدیق کی کہ بہت زیادہ کمزور افراد، خاص طور پر غریب طبقے کے ضعیف بزرگوں اور بے گھر مفلسوں کے لیے صورتحال اب بھی سنگین اور مہلک ہے۔شہر کے ہسپتالوں کے حکام نے بتایا کہ مرنے والوں کی اکثریت کا تعلق کم آمدنی والے طبقے سے تھا، جن میں بہت سے بے گھر، بھکاری اور منشیات کے عادی افراد بھی شامل تھے۔ڈاکٹر طاہر قریشی نے کہا کہ اگرچہ درجہ حرارت پہلے کی طرح زیادہ نہیں ہے، تاہم سمندر میں ہوا کا کم دباوٴ اب بھی برقرار رہے، جس کا مطلب یہ ہے کہ گرمی کی لہر سندھ میں اب بھی موجود ہے۔انہوں نے کہا کہ قلیل مقدار میں سمندری ہوائیں گرمی کی لہر کی شدت کو کم کرنے کے لیے کافی نہیں ہیں۔سول ہسپتال کراچی کے سربراہ ڈاکٹر سعید قریشی کے مطابق گرمی سے متاثرہ مریضوں کی آمد میں نمایاں کمی آئی ہے، لیکن ایسے مریض اب بھی ہمارے پاس آرہے ہیں۔ ان میں زیادہ تر ضعیف ہیں اور غریب طبقے سے تعلق رکھتے ہیں۔انہوں نے بتایا کہ ہسپتالوں میں آنے والے زیادہ تر مریضوں کو شدید بخار تھا اور ان کی حالت انتہائی تشویشناک تھی، بہت سے مریض ایک یا دو دن پہلے ہیٹ اسٹروک سے متاثر ہوئے تھے اور ان کی حالت بعد میں بگڑ گئی تھی۔متعلقہ عنوان :
مزید موسم کی خبریں
-
ملک کے بالائی علاقوں میں چند مقامات پر گرج چمک کے ساتھ ہلکی بارش کا امکان ہے، محکمہ موسمیات
-
محکمہ موسمیات خیبرپختونخوا کی آئندہ ہفتے بارشوں اور برفباری کی پیشن گوئی
-
کراچی میں سردی کی لہر برقرار، درجہ حرارت 10ڈگری سینٹی گریڈ ریکارڈ
-
لاہور سمیت پنجاب کے مختلف علاقوں میں ہلکی بارش سے موسم خوشگوار
-
محکمہ موسمیات کی آئندہ ہفتہ شہر لاہور میں بارش کی پیش گوئی
-
25 فروری کو آنے والے سسٹم کے زیراثرکراچی میں بھی بارش کا امکان
-
ملک کے بالائی، وسطی علاقوں میں 17 سے 21 فروری تک بارشوں کی پیشگوئی
-
لاہور سمیت پنجاب بھر میں موسلادھار بارش سے سردی میں اضافہ
-
31جنوری سے 4فروری تک بارش اورپہاڑوں پر برف باری پیشگوئی
-
ہفتہ کے روز سے ملک کے بیشتر علاقوں میں بارش کی توقع
-
کراچی دنیا کے آلودہ ترین شہروں میں سرفہرست، ایئرکوالٹی انڈیکس 241ریکارڈ
-
کراچی نے آلودگی میں دنیا کے تمام شہروں کو پیچھے چھوڑ دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.