جنوبی وزیرستان میں پاک افغان سرحدی علاقے انگوراڈہ میں افغان فورسز کی شیلنگ، 6پاکستانی اہلکار زخمی
جھڑپ پاکستانی فوج کی جانب سے افغان سرزمین پر چوکی تعمیر کرنے پر شروع ہوئی جس میں ایک افغان بارڈر پولیس کمانڈراور 8 پاکستانی اہلکار مارے گئے ہیں،افغان میڈیا کا دعویٰ
بدھ 1 جولائی 2015 17:32
کابل /وانا(اُردو پوائنٹ اخبار تازہ ترین۔ یکم جولائی۔2015ء) جنوبی وزیرستان میں افغان فورسز کی فائرنگ اور شیلنگ کے نتیجے میں پاکستانی سیکیورٹی فورسز کے 6 اہلکار زخمی ہو گئے ،جبکہ افغان میڈیا نے دعویٰ کیا ہے کہ جھڑپ کے دوران ایک افغان بارڈر پولیس کمانڈراور 8 پاکستانی اہلکار مارے گئے ہیں۔بدھ کو جنوبی وزیرستان کے علاقے انگوراڈہ میں سرحد پر افغان فورسز نے فائرنگ اور مارٹر گولوں سے حملہ کیا۔
افغان فورسز کی شیلگ سے6 اہلکار زخمی ہوئے۔ سیکیورٹی اہلکاروں کی جوابی کارروائی پر افغان فورسز کی جانب سے شیلنگ بند کی گئی۔بعد ازاں زخمی اہلکاروں کو اسپتال منتقل کر دیا گیا۔سیکیورٹی ذرائع کے مطابق گزشتہ کچھ دنوں میں خیبر ایجنسی اور جنوبی وزیرستان کے قبائلی خطے میں کشیدگی دیکھنے میں آ رہی ہے۔(جاری ہے)
کشیدگی میں اضافے کی وجہ طالبان کے حالیہ دنوں میں افغانستان کے مختلف علاقوں میں حملے ہیں۔
گزشتہ ماہ افغان پارلیمنٹ پر حملہ کیا گیا تھا جس کا الزام پاکستان کی خفیہ ایجنسی پر لگایا گیا تھا۔خیال رہے کہ شمالی وزیر ستان اور خیبر ایجنسی میں پاکستان کی فوج کی جانب سے آپریشن ضرب عضب اور آپریشن خیبر کی وجہ سے شدت پسند کے ان علاقوں ٹھکانے ختم کیے جا رہے ہیں اور وہ علاقہ چھوڑ کر سرحد پار پناہ لے رہے ہیں۔ادھر افغان میڈیا نے دعویٰ کیا ہے کہ انگور اڈاہ کے علاقے میں پاک افغان سرحدی فورسز کے درمیا ن جھڑپ کے نتیجے میں ایک افغان بارڈر پولیس کمانڈراور 8 پاکستانی اہلکار مارے گئے ہیں۔افغا ن خبررساں ادارے پجہوک نے ایک قبائلی سردار جمعہ خان کے حوالے سے بتایا ہے کہ پاکستانی فوجی افغان سرزمین کے اندر ایک چوکی تعمیر کرنے کی کوشش کررہے تھے جس پر جھڑپ شروع ہوئی ۔افغان وزارت داخلہ کے ترجمان صدیق صدیقی نے برمل ضلع میں پاک افغان سیکورٹی فورسز کے درمیا ن جھڑپ کی تصدیق کی ہے ۔ایک سیکورٹی عہدیدار نے نام ظاہر نہ کرنے پر بتایا ہے کہ ہم سرحد پر راتوں رات لڑائی میں ہلاک ہونے والے کمانڈر نجیب اﷲ کے جنازے اور تدفین کی پیشکش کی ہے ۔متعلقہ عنوان :
مزید بین الاقوامی خبریں
-
ناسا کے سربراہ کا خلا میں چینی فوج کی موجودگی کا دعویٰ
-
سپیس ایکس نے مزید 23 سٹار لنک انٹرنیٹ سیٹلائٹ زمین کے گرد مدار میں بھیج دیئے
-
غریب ممالک کے قرضوں کے بوجھ کو تیزی سے کم کرنے کے حل موجود ہیں، اقوام متحدہ
-
ایمریٹس ایئرلائن کا دبئی سے آپریشن بحال، مسافروں کو نئی بکنگ کرانے کی ہدایت
-
اقوام متحدہ نے غزہ کے لیے 2.8 ارب ڈالر کی فنڈنگ کی اپیل کردی
-
عمان،سیلابی ریلے میں بیٹی کو سینے سے لگائے باپ کی ویڈیو نے دل دہلا دیئے
-
سعودی عرب میں ٹریفک چالان پر 50 فیصد رعایت کااعلان
-
غلط اندازہ اسرائیل ایران تصادم بڑھنے کا باعث بنا، امریکی میڈیا
-
زائرین کو 40 برس سے مفت چائے پلانے والے بزرگ کا انتقال
-
ترجمے کی مضحکہ خیز غلطی، بھارتی ریلوے اسٹیشن پرلگا بورڈ وائرل ہوگیا
-
کوڑے دان سے ملا سونے، ڈالرزسے بھرا بیگ ایرانی شہری نے مالک کو واپس کردیا
-
کینیڈا،سونے اورکرنسی کی سب سے بڑی چوری، بھارتی اورپاکستانی ملوث
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.