مون سون سیزن سے قبل محکموں کے فیلڈ عملے کو مستعد اور حفاظتی بندوں کی دیکھ بھال کرتے رہنے کی ہدایات

بدھ 1 جولائی 2015 18:04

لاہور (اُردو پوائنٹ اخبار تازہ ترین۔ یکم جولائی۔2015ء)صوبائی محکمہ پی ڈی ایم اے پنجاب کے ڈائریکٹر جنرل جواد اکرم نے کہا ہے کہ مون سون سیزن سے قبل ہی تمام محکموں کے فیلڈ عملے کو مستعد رہنے اور نہروں و حفاظتی بندوں کی دیکھ بھال کرتے رہنے کی ہدایات جاری کر دی ہیں تاکہ ممکنہ سیلابی ورتحال میں کسی ناگہانی صورتحال کا سامنا نہ کرنا پڑے۔

(جاری ہے)

انہوں نے مزیدکہاکہ مون سون سیزن کے دوران نہری ڈھانچے کی حفاظت کیلئے جاری کی جانے والی گائیڈ لائنز پر سختی سے عملدرآمد کروایا جائے گا تاکہ حکومتی اثاثہ جات کے ساتھ ساتھ عوامی املاک کی بھی حفاظت ممکن ہوسکے اور ممکنہ سیلابی صورتحال میں ہر قسم کی بدانتظامی سے بچاجاسکے۔

انہوں نے تمام محکمہ جات کو ہدایت کی کہ آبی گزرگاہوں میں قائم ناجائز پشتوں و غیرقانونی بندوں کی وجہ سے پانی کے بہاؤ میں رکاوٹ لوگوں کی مشکلات میں اضافے کا باعث بن سکتی ہے۔انہوں نے کہا کہ مون سون کے دوران نہری ڈھانچے کی حفاظت کیلئے گائیڈ لائنز پر سختی سے عملدرآمد کروایا جائے گا تاکہ ممکنہ سیلابی صورتحال میں لوگوں کو جانی و مالی نقصانات سے تحفظ دیا جاسکے۔