افغان جنرل20 کلو ہیروئن سمیت گرفتار
گرفتاری کی کابل پولیس اور وزارت دفاع کے حکام نے بھی تصدیق کر دی
بدھ 1 جولائی 2015 20:38
کابل(اُردو پوائنٹ اخبار تازہ ترین۔ یکم جولائی۔2015ء) افغان پولیس نے ملکی فوج کے ایک جنرل کو منشیات اسمگل کرنے کے الزام میں بیس کلوگرام ہیروئن سمیت گرفتار کر لیا ہے۔ اس گرفتاری کی کابل میں پولیس کے علاوہ ملکی وزارت دفاع کے حکام نے بھی تصدیق کر دی ہے۔ غیر ملکی خبررساں ادارے کے مطابق ہندوکش کا یہ ملک دنیا بھر میں افیون پیدا کرنے والا سب سے بڑا ملک ہے، جو ہیروئن کی تیاری کے لیے استعمال کی جاتی ہے لیکن وہاں منشیات کی اسمگلنگ کے الزام میں انتہائی اعلیٰ شخصیات کی گرفتاریاں بہت ہی کم دیکھنے میں آتی ہیں۔
کابل میں وزارت دفاع کے ترجمان دولت وزیری نے صحافیوں کو بتایا کہ افغان نیشنل آرمی کے اس گرفتار کیے گئے بریگیڈیئر جنرل کا نام عبدالسمع ہے اور وہ شمالی صوبے بلخ میں فوجی بھرتی کے ایک مرکز کا کمانڈر ہے۔(جاری ہے)
افغان نیشنل آرمی کے اس جنرل کو اس وقت گرفتار کیا گیا، جب پولیس نے ملٹری کے ایک ٹرک میں سفر کے دوران اس جنرل، اس کے فوجی محافظ اور ڈرائیور کو روکا تو اس ٹرک میں سے بیس کلوگرام ہیروئن برآمد ہوئی۔
یہ نہیں بتایا گیا کہ اس آرمی جنرل کو ملک کے کس حصے سے گرفتار کیا گیا۔ وزارت دفاع کے ترجمان نے کہا، ”اس بات کی تصدیق کی جاتی ہے کہ ملکی فوج کے ایک یونٹ کے ریکروٹمنٹ سینٹر کے سربراہ کو ممنوعہ منشیات غیر قانونی طور پر اپنی گاڑی میں لے جانے کے الزام میں گرفتار کر لیا گیا ہے۔مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
افغانستان، خواتین کو کھلے میدان میں سنگسار کرنے کا اعلان
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
مسجد حرام میں زائرین کے لیے روبوٹ گائیڈ سسٹم فعال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.