سندھ حکومت وفاق کے تعاون سے عوامی پروجیکٹ اپنے مقررہ وقت سے قبل مکمل کرے گی، وزیر اعظم محمد نواز شریف کے دورہ کراچی سے اچھے کاموں کا آغاز ہو رہا ہے، کراچی میں گرمی اور لو لگنے سے ہونے والی اموات پر دکھ ہے ، قدرتی آفت میں سب کو مل کر چلنا چاہئے نہ کے سیاست کرنی چاہئے۔ وزیر اعلیٰ سندھ کی پریس کانفرنس
بدھ 1 جولائی 2015 22:58
کراچی ۔ یکم جولائی (اُردو پوائنٹ اخبار تازہ ترین۔ یکم جولائی۔2015ء) وزیر اعلیٰ سندھ سید قائم علی شاہ نے کہا ہے کہ سندھ حکومت وفاق کے تعاون سے عوام کی فلاح وبہبود کے پروجیکٹ اپنے مقررہ وقت سے قبل مکمل کرے گی، وزیر اعظم محمد نواز شریف کے دورہ کراچی سے اچھے کاموں کا آغاز ہو رہا ہے، کراچی میں گرمی اور لو لگنے سے ہونے والی اموات پر دکھ ہے، اس قدرتی آفت میں سب کو مل کر چلنا چاہئے نہ کے سیاست کرنی چاہئے۔
ان خیالات کا اظہار انہوں نے بدھ کو وزیر اعلیٰ ہاوٴس میں وزیر اعظم محمد نواز شریف کے دورے کے بعد پریس کانفرنس سے خطاب کرتے ہوئے کیا۔ اس موقع پر وزیر خزانہ سید مراد علی شاہ، صوبائی وزیر اطلاعات و بلدیات شرجیل انعام میمن اور معاون خصوصی صدیق ابو بھائی کے علاوہ سماجی رہنماء رمضان چھیپا بھی موجود تھے۔(جاری ہے)
وزیر اعلیٰ سندھ نے کہا کہ وزیر اعظم پاکستان محمد نواز شریف سے وفاق کے تعاون سے جاری پروجیکٹ کی بروقت تکمیل کیلئے بات ہوئی ہے اور وزیر اعظم نے سندھ حکومت کے کاموں اور اس کی کارکردگی کو سراہا بھی ہے۔
انہوں نے کہا کہ صوبے کے تین بڑے پروجیکٹ گرین لائن کے 4 اور ایس تھری کو اپنے مقررہ وقت سے قبل مکمل کیا جائے گا اس سلسلے میں وزیر اعظم نے جلد فنڈز کی فراہمی کا بھی یقین دلایا ہے۔ سید قائم علی شاہ نے کہا کہ کراچی کے عوام کے مسائل کے حل کے لئے بڑی تیزی سے کام کیا جائے گا اور اس شہر میں پانی، بجلی اور ٹرانسپورٹ کے مسائل حل کر کے دم لیں گے۔ وزیر اعلی سندھ نے کہا کہ وزیر اعظم کے ساتھ ہونے والے اجلاس میں بجلی، پانی اور ٹرانسپورٹ کے مسائل پر بات ہوئی ہے اور وزیر اعظم نے سندھ حکومت کو اعتراضات حل کرنے کی یقین دہانی کرائی ہے ، ہمیں مطمئن بھی کیا ہے۔ وزیر اعلیٰ سندھ نے وزیر اعظم کے سندھ کے عوام کے ساتھ جو ہمدردی کا دورہ کیا ہے اس پر شکریہ ادا کرتے ہوئے کہا ہے کہ کراچی میں اچانک گرمی کی شدت میں اضافہ ہوگیا تھا جو کہ قدرت کی طرف سے تھا لیکن اس میں جو کے الیکٹرک کی غیر ذمہ دارانہ رویہ رہا ہے اس سلسلے میں وزیر اعظم محمد نواز شریف کو آگاہ بھی کیا ہے۔ اس موقع پر صوبائی وزیر اطلاعات شرجیل انعام میمن نے کہا کہ سندھ حکومت نے موجودہ گرمی اور لو کے موسم میں اسپتالوں میں اپنا مکمل کام جاری رکھا ہوا تھا جس کی تصدیق وزیر اعظم کی موجودگی میں ایدھی، چھیپا، عالمگیر ویلیفئر، انڈس سمیت دیگر سماجی تنظیموں کے نمائدوں نے بھی کیا۔ شرجیل میمن نے کہا کہ سماجی تنظیموں کے ممبران نے وزیر اعظم محمد نواز شریف کو بتایا کہ کے الیکٹرک کی لوڈ شیڈنگ کی وجہ سے بھی زائد اموات کا سبب بنی ہے اس لئے کے الیکٹرک کو بری الزمہ نہ سمجھا جائے۔متعلقہ عنوان :
مزید اہم خبریں
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ کا بلوم برگ کوانٹرویو
-
پاکستان برطانیہ کے ساتھ دیرینہ تعلقات کو بہت اہمیت دیتا ہے ، سپیکرقومی اسمبلی کی برطانوی ہائی کمشنر سے ملاقات میں گفتگو
-
سپریم کورٹ و ہائیکورٹس میں ججز کی خالی آسامیاں پرکرنا ترجیح ہے، چیف جسٹس آف پاکستان قاضی فائز عیسیٰ کا لاہور رجسٹری میں سپریم کورٹ بار سے خطاب
-
محسن نقوی کا غیرموثراورزائد المیعاد شناختی کارڈز پرجاری شدہ موبائل سمزکو بند کرنے کا حکم
-
وزیراعظم نے بدرشہبازوڑائچ کو اپنا میڈیا کوآرڈینیٹرمقرر کردیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، صنعت میں تعاون سے ملک کو عالمی معیشت سے جوڑا جا سکتا ہے، وزیر اطلاعات
-
برطانوی ہائی کمشنرکی مقبول صدیقی سے ملاقات ، تعلیم کے حوالے سے تبادلہ خیال
-
مریم نواز کی سکیورٹی سکواڈ گاڑی کی مبینہ ٹکر سے نوجوان جاں بحق
-
گیس قیمتوں کے تعین کیلئے نیا طریقہ کار متعارف کرانے کا فیصلہ
-
خواہش ہے سپریم کورٹ مکمل ہوجائے،چیف جسٹس قاضی فائز عیسیٰ
-
فیض آباد دھرنا کمیشن، احسن اقبال کے بیان میں نیا انکشاف سامنے آگیا
-
بھارتی انتخابات: نوجوان کیا سوچ رہے ہیں؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.