منشیات کے عادی افراد کی بحالی کے لئے معاشرے اور حکومت کو مل کر کام کرنے کی ضرورت ہے،کمشنر کراچی کا سیمینار سے خطاب
جمعرات 2 جولائی 2015 14:35
کراچی ۔ 2 جولائی (اُردو پوائنٹ اخبار تازہ ترین۔ 02 جولائی۔2015ء) کمشنر کراچی شعیب احمد صدیقی نے کہا ہے کہ کراچی میں منشیات کے استعمال کی روک تھام اور اس کے عادی افراد کی بحالی کے لئے معاشرہ اور حکومت کو مل کر کام کرنے کی ضرورت ہے تاکہ اسے پھیلنے سے روکا جا سکے اور اس کی وجہ سے ایچ آئی وی ایڈز نہ پھیلے، اسے ابھی نہیں روکا گیا تو یہ وباء معاشرے میں پھیل جائے گی۔
جمعرات کو جاری کردہ اعلامیہ کے مطابق یہ بات انہوں نے منشیات کے استعمال اور ایچ آئی وی ایڈز کے خاتمہ اور روک تھام کے لئے کام کرنے والی غیر سرکاری تنظیم ”نئی زندگی“ کے زیر اہتمام سیمینار سے خطاب کرتے ہوئے کہی۔ کمشنر کراچی نے کہا کہ انہیں بتایا گیا ہے کہ کراچی میں 80 ہزار افراد منشیات کے عادی ہیں، ان میں 16 ہزار افراد انجیکشن کے ذریعے منشیات استعمال کر رہے ہیں، ان میں اکثریت نوجوانوں کی ہے۔(جاری ہے)
انہوں نے کہا کہ یہ ایک اعلیٰ مقصد ہے اور سب مل کر اعلیٰ مقصد سمجھ کر کام کریں، اگر یہ پھیل گیا تو پورے معاشرے کو اپنی لپیٹ میں لے لے گا۔
انہوں نے کہا کہ اس کام میں انتظامیہ اپنا کردار ادا کرے گی اور منشیات کے خاتمہ، عادی افراد کی بحالی کے لئے کام کر نے والے سول سوسائٹی کے اداروں کے ساتھ ہر ممکنہ تعاون کرے گی۔ انہوں نے کہا کہ ایڈیشنل کمشنر کراچی اس سلسلے میں کمشنر آفس میں رابطہ کا کردار ادا کریں گے، ڈپٹی کمشنرز کے تعاون سے ہر ضلع میں ٹیمیں بنائی جائیں گی۔ انہوں نے مزید کہا کہ ایڈیشنل ڈپٹی کمشنر کورنگی سراج الدین فوکل پرسن ہوں گے جو منشیات کے عادی افراد کی بحالی کے لئے این جی او ”نئی زندگی“ اور دیگر کے ساتھ ضلعی افسران کے ساتھ رابطہ و تعاون میں مدد کریں گے جس میں کمیونٹی کے لوگوں اور ایڈز کے خلاف کام کر نے والے اداروں اور غیر سرکاری تنظیموں کی شرکت و مشاورت سے منشیات کی روک تھام اور اس کے عادی افراد کی بحالی کے لئے کام کیا جائے گا۔ کمشنر کراچی نے کہا کہ ان کوششوں میں کارپوریٹ سیکٹرز کو راغب کیا جائے گا کہ وہ اپنے سماجی بہتری کے پروگراموں میں ترجیحی طور پر منشیات کے عادی افراد کی بحالی کی کوششوں میں شامل ہوں اور منشیات کے عادی افراد کی بحالی کے لئے مر کز بنانے میں مدد کریں۔ ڈائریکٹر جنرل پاکستان کسٹمز سمیرا نذیر نے کہا کہ معاشرہ منشیات کے عادی افراد سے نفرت نہ کرے، انہیں توجہ دینے کی ضرورت ہے ان پر توجہ دے اور ان کی بحالی میں ان کی مدد کرے۔ انہوں نے کہا کہ منشیات کے خاتمہ کے لئے کام کرنا ایک اعلیٰ مقصد ہے اس کے خاتمہ کے لئے اجتماعی کوششیں کی جانی چاہئیں۔ نئی زندگی کے سی ای او طارق ظفر نے اس موقع پر تصاویر اور چارٹس کی مدد سے ملک بھر میں منشیات کے عادی افراد اور ایچ آئی وی ایڈز کی صورتحال کا جائزہ پیش کیا۔ انہوں نے کہا کہ نئی زندگی نے مشیات کے افراد کی بحالی کے لئے 5-C پروگرام بنایا ہے جس پر عمل کر کے منشیات کے عادی افراد کو ایچ آئی وی ایڈز کا شکار ہونے سے بچایا جا سکتا ہے۔ انہوں نے کہا کہ منشیات کی وجہ سے ایچ آئی وی ایڈز پھیل رہا ہے۔ اس موقع پر سندھ ایڈز کنٹرول پروگرام اور اینٹی نارکوٹکس ڈپارٹمنٹ کے افسران نے بھی شرکت کی اور اپنی کوششوں سے آگاہ کیا۔مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.