امریکی حکومت توانائی کے بحران پر قابو پانے میں پاکستان کی مدد کرے، لاہور چیمبر آف کامرس اینڈ انڈسٹری صدر اعجاز اے ممتاز
دوطرفہ تجارتی و معاشی تعلقات مستحکم کرنے کے لیے بھرپور کوششیں کریں گے، ایرک مارٹینی لاہور چیمبر میں یو ایس قونصلیٹ لاہور کے پولیٹیکل اینڈ اکنامک چیف ایرک مارٹینی سے گفتگو
جمعرات 2 جولائی 2015 22:49
لاہور ۔2 جولائی (اُردو پوائنٹ اخبار تازہ ترین۔ 02 جولائی۔2015ء) لاہور چیمبر آف کامرس اینڈ انڈسٹری کے صدر اعجاز اے ممتاز نے کہا کہ امریکی حکومت پر زور دیا ہے کہ وہ توانائی کے بحران پر قابو پانے میں پاکستان کی مدد کرے۔ وہ لاہور چیمبر میں یو ایس قونصلیٹ لاہور کے پولیٹیکل اینڈ اکنامک چیف ایرک مارٹینی سے گفتگو کررہے تھے۔ میٹنگ کے دوران پاکستانی مصنوعات کی امریکی منڈیوں تک رسائی، پاکستان میں توانائی کا بحران، اور امریکی سرمایہ کاری سمیت دیگر بہت سے موضوعات زیر بحث آئے۔
لاہور چیمبر کے صدر نے امریکی حکومت پر زور دیا کہ وہ پاکستان میں توانائی کا بحران حل کرنے میں مدد کرے۔امریکی سرمایہ کاروں کو پاکستان کے انرجی سیکٹر میں زیادہ سے زیادہ سرمایہ کاری کرنی چاہیے۔(جاری ہے)
انہوں نے کہا کہ اگر امریکہ معاشی چیلنجز سے نمٹنے میں پاکستان کی مدد کرتا ہے تو اس سے دونوں ممالک کے تعلقات مزید مستحکم ہونگے۔ اعجاز اے ممتاز نے کہا کہ پاکستان کی امریکہ کو برآمدات ابھی چار ارب ڈالر کی سطح کو نہیں چھوپائیں حالانکہ پاکستان امریکہ کو پانچ سے چھ ارب ڈالر کی برآمدات کرنے کی صلاحیت رکھتا ہے لیکن اس کے لیے امریکہ پاکستانی مصنوعات کو اپنی منڈی تک ڈیوٹی فری رسائی فراہم کرے جس سے پاکستان کے بہت سے معاشی مسائل حل ہوسکتے ہیں۔
انہوں نے کہا کہ پاکستان اور امریکہ کے درمیان فری ٹریڈ ایگریمنٹ بھی پاکستان کی امریکہ کو برآمدات بڑھانے میں اہم کردار ادا کرسکتے ہیں۔ یو ایس قونصلیٹ لاہور کے پولیٹیکل اینڈ اکنامک چیف ایرک مارٹینی نے لاہور چیمبر کے صدر کو یقین دہانی کرائی کے وہ دوطرفہ تجارتی و معاشی تعلقات مستحکم کرنے کے لیے بھرپور کوششیں کریں گے۔مزید تجارتی خبریں
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.