بھارت دہشت گردی کے خلاف ہماری جنگ کو متاثر کر رہا ہے، ’’را‘‘ کی حمایت میں الطاف حسین کا ایک بیان ریکارڈ پر ہے، پرویز مشرف نے الطاف حسین کو لندن میں مروا نے کا بیان دیا تھا ، شہباز شریف نے 6ماہ میں لوڈشیڈنگ ختم کرنے کا بیان غلط دیا تھا، سیاست میں غلطی کو تسلیم کرلینا چاہیے، تحریک انصاف نے دھرنا بھی دیا اور مراعات بھی ساری حاصل کرلیں ، کچھ شرم کرو، حیا کرو، ہمیں پیٹ کاٹ کر پیسہ تعلیم پر لگانے کی ضرورت ہے، 1984ء میں ضیاء الحق کے ریفرنڈم کی حمایت کی تھی
وزیر دفاع خواجہ آصف کا نجی ٹی وی کو انٹرویو
جمعرات 2 جولائی 2015 22:55
اسلام آباد (اُردو پوائنٹ اخبار تازہ ترین۔ 02 جولائی۔2015ء) وزیر دفاع خواجہ محمد آصف نے کہا ہے کہ بھارت دہشت گردی کے خلاف ہماری جنگ کو متاثر کرنے کی کوشش کر رہا ہے، ’’را‘‘ کی سپورٹ میں الطاف حسین کا ایک بیان ریکارڈ پر ہے، پرویز مشرف نے کہا تھا کہ الطاف حسین کو لندن میں مروا دیتے ہیں، شہباز شریف نے 6ماہ میں لوڈشیڈنگ ختم کرنے کا بیان غلط دیا تھا، سیاست میں غلطی کو تسلیم کرلینا چاہیے، تحریک انصاف نے 126 دن کا دھرنا بھی دیا اور مراعات بھی ساری حاصل کرلیں، مجھے پھر کہنا پڑتا ہے کچھ شرم کرو، حیا کرو، ہمیں پیٹ کاٹ کر پیسہ تعلیم پر لگانے کی ضرورت ہے، ہمارے سیاسی مقاصد صرف پاکستان کیلئے ہونے چاہئیں، ہم نے 1984ء میں ضیاء الحق کے ریفرنڈم کی حمایت کی تھی۔
وہ جمعرات کو نجی ٹی وی کے پروگرام میں انٹرویو دے رہے تھے۔(جاری ہے)
انہوں نے کہا کہ اس بات کا کوئی شک نہیں کہ بھارت سے پاکستان میں کچھ لوگوں کو فنڈنگ ہوتی ہے، بھارت نے ہماری دہشت گردی کے خلاف جاری جنگ متاثر کرنے کی بھی کوشش کی اور پاکستان میں ایسے لوگ موجود ہیں جو اسٹیٹ کے خلاف کام کر رہے ہیں اور را کی سپورٹ میں الطاف حسین کا ایک بیان بھی ریکارڈ پر ہے۔
انہوں نے کہا کہ حقائق سامنے لانے کا وقت آ گیا ہے، الطاف حسین نے ہمیشہ ملک کے خلاف بات کی ہے، پرویز مشرف نے کہا تھا کہ الطاف حسین کو لندن میں مروا دیتے ہیں۔ خواجہ محمد آصف نے کہا کہ ہمارے سیاسی مقاصد صرف پاکستان کیلئے ہونے چاہئیں، شہباز شریف نے چھ ماہ میں لوڈشیڈنگ ختم کرنے کا وعدہ غلط کیا تھا لیکن اب ہم توانائی کے منصوبوں پر کام کر رہے ہیں،2018ء تک بجلی بحران کا خاتمہ ہو جائے گا، کراچی میں بجلی بحران کے ذمہ دار قائم علی شاہ، آصف زرداری اور ایم کیو ایم ہے، انہیں ذمہ داری قبول کرنی چاہیے، وزیراعظم نواز شریف اور ہم چاہتے ہیں کہ ایسا ورثہ چھوڑ کر جائیں جسے آنے والی نسلیں یاد کریں۔ خواجہ محمد آصف نے کہا کہ ہم الیکشن میں دھاندلی کی لڑائی اسلام آباد میں لڑ رہے ہیں، جبکہ سب سے زیادہ دھاندلی خیبرپختونخوا میں سامنے آئی ہے، اتنے بندے یہاں نہیں مرے جتنے کے پی کے میں مر گئے، ایک طرف اسمبلی پر الزام لگاتے ہیں پھر اس سے تنخواہ بھی لیتے ہیں،126 دن تک عوام کو پریشان کیا اور تنخواہیں بھی لیں، ہر چیز شوکت خانم کے اکاؤنٹ میں ڈال رہے ہیں، اس پر مجھے پھر کہنا پڑے گا شرم کرو، حیا کرو، میں تو ایسی سیاست پر لعنت بھیجتا ہوں۔ انہوں نے کہا کہ تحریک انصاف نے دھرنے کے دوران تمام مراعات حاصل کیں، سیاست میں اپنی غلطی کو تسلیم کرلینا چاہیے، میاں نواز شریف صانب نے بھی اپنی غلطیاں تسلیم کیں۔ انہوں نے کہا کہ پاکستان میں سب سے زیادہ پیسہ تعلیم پر لگانے کی ضرورت ہے، جو ہر کسی کا حق ہے، ملک میں ایسا تعلیمی نظام ہو جس میں میں بھی اپنے بچوں کو تعلیم دلوا سکوں۔مزید اہم خبریں
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
چین کے لیے جاسوسی کا الزام، یورپی پارلیمنٹ میں جرمن عملے کا رکن گرفتار
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
بانی پی ٹی آئی اس ماہ کے آخر تک جیل سے باہر آجائیں گے،اسد قیصر
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
-
سعودی عرب جلد پاکستان میں 5 ارب ڈالر کی سرمایہ کاری کریگا ،احسن اقبال
-
سوئی سدرن گیس کے ہزاروں ملازمین کو ریگولرائز کرنے سے متعلق درخواستیں مسترد
-
اڈیالہ جیل والے صاحب کے دور میں پاکستان تنہائی کا شکار تھا، اب وہ معاملہ ختم ہو چکا، خارجہ پالیسی کے خلاف باتیں کرنے والے ماضی کا قصہ بن چکے ہیں، وفاقی وزیر اطلاعات عطاءاللہ تارڑ کی پریس کانفرنس
-
دیگر ممالک کے ساتھ فضائی روابط کو فروغ دینے کی ضرورت ہے، عوامی روابط بڑھا کر سیاحتی شعبے کی صلاحیت سے بھرپور استفادہ کیا جا سکتا ہے، صدر آصف علی زرداری کی وفد سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.