ٹینڈے کی قسم دلپسندکی زیادہ سے زیادہ کاشت یقینی بنانے کی ہدایت، کاشت کیلئے ذرخیز میرازمین کے استعمال کا بھی مشورہ

جمعہ 3 جولائی 2015 14:42

فیصل آباد۔3جولائی (اُردو پوائنٹ اخبار تازہ ترین۔ 03 جولائی۔2015ء)جامعہ زرعیہ فیصل آباد کے ماہرین زراعت نے ٹینڈے کی قسم دلپسندکی زیادہ سے زیادہ کاشت یقینی بنانے کی ہدایت کی ہے اور ٹینڈے کی کاشت کیلئے ذرخیز میرازمین کے استعمال کا بھی مشورہ دیاہے۔ ایک ملاقات کے دوران انہوں نے بتایاکہ ٹینڈا دلپسند محکمہ زراعت پنجاب اور ماہرین زرعت کی سفارش کردہ بہترین قسم ہے جس کا پھل گول اور ہلکے سبز رنگ کا ہونے کے ساتھ ساتھ ذائقے میں بے مثال اور 10ٹن فی ایکڑ تک پیداوار کابھی حامل ہے۔

انہوں نے بتایاکہ ٹینڈے کی فصل نازک ہوتی ہے جو شدید سردی یاکہر کو برداشت نہیں کرسکتی اس لئے اس کی اگیتی فصل اپریل اور پچھیتی فصل جولائی کے آخر تک کاشت کی جاتی ہے اس طرح ٹینڈا مئی سے لے کر نومبر تک سبزی منڈی میں دستیاب رہتاہے۔

(جاری ہے)

انہوں نے کہاکہ ایسی زمین جس میں پانی کا مناسب نکاس اور نامیاتی مادہ کافی مقدار میں موجود ہو ٹینڈے کی کاشت کیلئے بہت موزوں ہے۔

انہوں نے کہاکہ کاشتکار ٹینڈے کی کاشت کیلئے اڑھائی میٹر کے فاصلے پر نشان لگائیں اور 2پٹڑیوں کے درمیان 50سینٹی میٹر چوڑی کھالی چھوڑ کر2میٹر چوڑی پٹڑیاں بنائیں اور ان کے دونوں کناروں پر آبپاشی کے فوراًبعد جہاں تک پانی کی نمی پہنچ سکے 40سینٹی میٹر کے فاصلے پر 2سے3بیج ، 3 سے4سینٹی میٹر گہرائی میں دبادیں اس طرح ایک ایکڑ میں پودوں کی تعداد8ہزار ہو جائے گی جس کیلئے 2کلوگرام صحت مند بیج استعمال ہو گا۔ انہوں نے بتایاکہ کاشتکار اس ضمن میں مزید مشاورت یا رہنمائی کیلئے ماہرین زراعت یامحکمہ زراعت کے فیلڈ سٹاف کی خدمات سے استفادہ کرسکتے ہیں۔

Facebook Twitter Google + Share on Whatsapp

ٹینڈے کی قسم دلپسندکی زیادہ سے زیادہ کاشت یقینی بنانے کی ہدایت، کاشت کیلئے ذرخیز میرازمین کے استعمال کا بھی مشورہ

مزید تجارتی خبریں