مرکزی حکومت عوام کو بنیادی سہولیات کی فراہمی میں مکمل ناکام ہو گئی ہے ، لوڈ شیڈنگ نے عوام کی زندگی اجیرن بنا دی ہے ،حکمران جھوٹی تسلیوں میں مصروف ہیں
پیپلز پارٹی پارلیمنٹرین کے سیکرٹری اطلاعات فیصل کریم کنڈی کی میڈیا سے گفتگو
جمعہ 3 جولائی 2015 17:29
ڈیرہ اسما عیل خان(اُردو پوائنٹ اخبار تازہ ترین۔ 03 جولائی۔2015ء ) پاکستان پیپلز پارٹی پارلیمنٹرین کے مرکزی سیکریٹری اطلاعات فیصل کریم خان کنڈی نے کہا ہے مرکزی حکومت عوام کو بنیادی سہولیات کی فراہمی میں مکمل ناکام ہو گئی ہے ، لوڈ شیڈنگ نے عوام کی زندگی اجیرن بنا دی ہے اور حکمران جھوٹی تسلیوں میں مصروف ہیں ۔
(جاری ہے)
جمعہ کو میڈیا سے گفتگو کرتے ہوئے انہوں نے کہا کہ مسلم لیگ (ن) نے عام انتخابات میں اعلان کیا تھا کہ اقتدار سنبھالتے ہی ملک سے لوڈ شیڈنگ ختم کردی جائے گی مگر دو سال گذرنے کے باوجود لوڈ شیڈنگ ختم کرنے کے بجائے مذید زیادہ کردی گئی جس سے ملک بھر میں عوام کی زندگی اجیرن بن کر رہ گئی ہے، انہوں نے کہا کہ حکمران ملک کے بنیادی مسائل کے بجائے غیر اہم امور میں مصروف ہیں جس کی وجہ سے عوامی مسائل میں نہ صرف اضافہ ہو رہا ہے بلکہ حکمران جماعت کا کردار جمہوری اداروں اور جمہوری قوتوں کی بھی بدنامی کا باعث بن رہا ہے جو ملک اور قوم دونوں کے لیئے انتہائی نقصان دہ ہے، انہوں نے کہا کہ پاکستان پیپلز پارٹی عوام کی جماعت ہے، اس جماعت نے ہمیشہ اسٹبلشمنٹ سے ٹکر لی ہے اور عوامی مفادات پر کسی قسم کی سودا بازی نہیں کی، عوام کی آواز بلند کرنے پر ہمارے بانی چیئر مین زوالفقار علی بھٹو شہید کو پھانسی دی گئی، بے نظیر بھٹو شہید کے عوام اور ملک کی خاطر شہادت قبول کی، اس ملک میں جمہوریت کی بالادستی میں ہی عوامی حقوق کی فراہمی اور مسائل کا حل پوشیدہ ہے اور اسی بالا دستی کی خاطر ہمارے کو چیئر مین آصف علی زرداری نے قید و بند کی صعوبتیں برداشت کیں، ایک سوال کے جواب میں انہوں نے کہا کہ عمران خان یوٹرن لینے کے ماہر ہیں وہ سیاسی معاملات کو زمینی حقائق کے بجائے اپنی پسند اور چاہت سے حل کرنا چاہتے ہیں اور ان کا مقصد عوامی مسائل کے بجائے زاتی اقتدار کا حصول ہے مگر کامیابی ان سے کوسوں دور ہے۔
متعلقہ عنوان :
مزید اہم خبریں
-
نامزد ملزم کو کیسے اپنے ہی کیس میں خود جج بننے کی اجازت دی جا سکتی؟
-
وزیراعظم شہبازشریف کی زیرصدارت انسداد سمگلنگ سے متعلق اہم اجلاس
-
کیا ایک نام نہاد اور پلانٹڈ وزیراعظم خود یہ تعین کرےگا کہ وہ مجرم ہے یا نہیں؟
-
پی ٹی آئی کا چیف جسٹس قاضی فائز عیسٰی اور جسٹس عامر فاروق سے مستعفی ہونے کا مطالبہ
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.