یونانی بحران،ایشیائی مارکیٹ میں خام تیل کے نرخ گرگئے

سنگاپور( اُردو پوائنٹ اخبار تازہ ترین۔ 03 جولائی۔2015ء)یونان میں اختتام ہفتہ بیل آؤٹ ریفرنڈم ،جویوروزون میں اس کے مستقبل کا تعین کرسکتا ہے ، سے قبل جمعہ کو ایشیاء میں خام تیل کے نرخ گر گئے ۔اگست میں فراہمی والے ویسٹ ٹیکساس انٹر میڈیٹ خام تیل کے نرخ 24سینٹ کی کمی سے 56.69ڈالرفی بیرل جبکہ برینٹ نارتھ سی کروڈ کے نرخ 15سینٹ کی کمی سے 61.92ڈالر فی بیرل میں طے پائے ۔

یونانی رائے دہندگان سے پوچھا جائے گا کہ وہ سخت کفایت شعاری اقدامات کے بارے میں قرض دہندگان کی طرف سے پیش کیے جانیوالے بیل آؤٹ پیکج کے بارے میں ہاں کہیں یا بہتر شرائط کے حصول کے لئے بائیں بازو کی حکومت کی حمایت میں نہیں کہیں۔یونانی وزیراعظم الیکسز ٹیسپراس نے قرض دہندگان کے ساتھ ڈیبٹ ریفارمز مذاکرات توڑنے کے بعد جس کی وجہ سے وہ منگل کوقرضے کی ادائیگی میں ڈیفالٹ ہو گیا ، ہفتے کو پولنگ کا مطالبہ کیا ہے ۔

(جاری ہے)

یورپی رہنماؤں نے خبردار کیا ہے کہ ووٹ اب یوروزون میں یونان کے مستقبل کے بارے میں اندر یا باہر ووٹ کے لئے موثر ہے ۔سی ایم سی مارکیٹس سنگاپور کے تجزیہ کار نکولسٹیو نے کہا کہ ایسا لگتا ہے کہ یونان اور قرض دہندگان کے درمیان مذاکرات تعطل کا شکار ہوگئے ہیں اور ہر کوئی اتوار کو ہونیوالی رائے شماری کے نتائج کا انتظار کررہا ہے۔نتیجہ خواہ کچھ بھی ہو عالمی منڈیاں کپڑا لٹکانے والی چیونٹیوں سے لٹکی ہوئی ہیں ،کیونکہ وہاں کی صورتحال کے بارے میں کوئی قریب المعیاد حل بہت دور کی بات ہے۔بین الاقوامی مالیاتی فنڈ نے جمعرات کو کہا تھا کہ یونان کو آئندہ تین برسوں میں 50بلین یورو(55بلین ڈالر) درکار ہیں جبکہ اس نے 2015ء کے لئے اقتصادی پیداوار کی پیشن گوئی زیرو کردی ہے۔