غیرملکی وملکی یونیورسٹیوں مابین روابط بڑھانے کے منصوبے پر کام کر ر ہے ہیں ، ملکی یونیورسٹیوں کو بین الاقوامی سطح پر مستند یونیورسٹیوں کے تجربات اور کامیابیوں سے سیکھنے کی ضرورت ہے ، وژن 2025 میں تعلیمی شعبے پر خصوصی توجہ دی گئی ہے
وفاقی وزیرمنصوبہ بندی و ترقی کی احسن اقبال کے طلبا کے وفد سے گفتگو
جمعہ 3 جولائی 2015 22:38
اسلام آباد(اُردو پوائنٹ اخبار تازہ ترین۔ 03 جولائی۔2015ء) وفاقی وزیرمنصوبہ بندی، ترقی و اصلاحات احسن اقبال نے ملک میں علمی انقلاب کی اہمیت پر زور دیتے ہوئے کہا کہ وزارت منصوبہ بندی و ترقی غیرملکی وملکی یونیورسٹیوں کے مابین روابط بڑھانے کے منصوبے پر کام کر رہی ہے، ملکی یونیورسٹیوں کو بین الاقوامی سطح پر مستند یونیورسٹیوں کے تجربات اور کامیابیوں سے سیکھنے کی ضرورت ہے ، ویژن 2025 میں تعلیمی شعبے پر خصوصی توجہ دی گئی ہے ۔
وہ جمعہ کے روزوہ یہاں طلبا کے ایک وفد سے گفتگو کررہے تھے۔انہوں نے کہاکہ پاکستان بدقسمتی سے خطے میں تعلیمی شعبے خاص طورپرسائنس و ٹیکنالوجی کے میدان میں پیچھے رہ گیا جس کی وجہ سے ہم ترقی کے ثمرات سمیٹنے سے محروم رہے۔تاہم موجودہ حکومت نے اس پر خصوصی توجہ مرکوز کرتے ہوئے تعلیمی شعبے کی ترقی کے لئے اقدامات اٹھانا شروع کر دیے ہیں۔(جاری ہے)
احسن اقبال نے کہا بجٹ میں اعلیٰ تعلیم کے شعبے میں زیادہ رقم مختص کر کے حکومت نے اس شعبے میں سرمایہ کاری کا آغاز کر دیا ہے تاکہ سائنس و ٹیکنالوجی کے ذریعے نالج اکانومی میں آگے بڑھا جا سکے۔
انہوں نے کہا کہ نالج اکانومی کا تصور معیاری تعلیم کے بغیر ناممکن ہے۔وفاقی وزیر نے طلبا کو موجودہ حکومت کے مختلف اقدامات سے آگاہ کرتے ہوئے کہا کہ رواں سال کے بجٹ میں تعلیم کے شعبے پر خصوصی توجہ دی گئی ہے۔نئے مال سال میں ضلع کی سطح پر جامعات کے کیمپس اور ذیلی کیمپس کے منصوبے کا اجرا کر دیا گیا ہے ۔بلوچستان، گلگت بلتستان اور فاٹا میں یونیورسٹیوں کا قیام بھی اس سال کے اقدامات میں شامل ہے۔اسلام آباد میں سرکاری اسکولوں کی اپ گریڈیشن اور وفاقی دارالحکومت میں سمار ٹ اسکولوں کا قیام بھی موجودہ بجٹ کا حصہ ہے۔سائنس و ٹیکنالوجی کے شعبے میں ٹیلنٹ کو آگے لانے کے لئے سائنس فارمنگ اسکیم کا اجرا کیا گیا ہے ۔ انہوں نے کہا کہ علم کے میدان میں استاد کا درجہ سب سے اوپر ہوتا ہے ۔ اساتذہ کی تعلیم کے شعبے میں خدمات کے اعتراف کے لئے قومی سطح پر بہترین استاد کے ایوارڈ کا اجرا بھی نئے بجٹ کا حصہ ہے۔وفاقی وزیر نے کہا کہ گزشتہ کئی برس تعلیم کے شعبے پر توجہ دئیے بغیر ضائع کر دیے گئے لیکن اب وقت آن پہنچا ہے کہ اس شعبے کی مسلمہ اہمیت کو تسلیم کرتے ہوئے ہمیں اپنی ساری توانائیاں اس شعبے کی بہتری پر خرچ کرنی چاہئیں۔متعلقہ عنوان :
مزید اہم خبریں
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.