پہلا آل کراچی منیارٹی فٹ بال چمپئن شپ2015ءء میں جگو میموریل کی فائنل تک رسائی

منگل 14 جولائی 2015 13:35

کراچی (اُردو پوائنٹ اخبار تازہ ترین۔ 14 جولائی۔2015ء)اے ڈبلیو فٹ بال کلب کے زیر اہتمام کے جی اے گراؤنڈ نمائش چورنگی پر جاری پہلا آل کراچی منیارٹی فٹ بال چمپئن شپ کے سلسلے میں کھیلے گئے دوسرے سیمی فائنل میں جگو میموریل فٹ بال کلب نے اپنے عمدہ کھیل کی بدولت ٹورنامنٹ کی مضبوط ٹیم لارنٹسن فٹ بال کلب کو ایک کانٹے دار مقابلے کے بعد 3-2سے شکست دیکر فائنل تک رسائی حاصل کرلی ،کھیل کے پہلے ہاف میں دونوں ٹیموں کو 1-1گول کی سبقت حاصل تھی لارنٹسن کلب کی جانب سے فرانسس اور جگو میموریل کے شبیر نے گول کئے ،دوسرے ہاف میں جگو میموریل کی جانب سے شبیر اور رحمن نے مزید ایک ایک گول کیا جبکہ لارنٹسن کلب کے کیلسن نے دوسرا گول اسکور کیا اس طرح یہ مقابلہ 3-2پر اختتام پذیر ہوا میچ مے اختتام پر مہمان خصوصی سابقہ انٹرنیشنل فٹ بالر با بو لال چوہان کا تعارف دونوں ٹیموں کے کھلاڑیوں سے کرایا گیا اس موقع پر ٹورنامنٹ کمیٹی کے اراکین بھی موجود تھے ۔

(جاری ہے)

ٹورنامنٹ کا فائنل مورخہ 17جولائی 2015ءء بروز جمعہ کو جگو میموریل اور اجے اسپورٹس کے مابین کھیلاجائیگا ۔دوسرے سیمی فائنل میچ میں ریفری کے فرائض نیشنل فٹ بال ریفری محمد رضوان نے معاؤن ساتھیوں انیش شام جی اور مراد مسیح کے ہمراہ انجام دیا جبکہ میچ کمشنر رومی سنی اور میڈیا کوارڈینٹر شیر افضل تھے۔

Facebook Twitter Google + Share on Whatsapp

پہلا آل کراچی منیارٹی فٹ بال چمپئن شپ2015ءء میں جگو میموریل کی فائنل تک رسائی

مزید کھیلوں کی خبریں