انگلینڈ اور آسٹریلیا کے درمیان ویمن ایشز سیریز کا آغاز 21 جولائی سے ہو گا

جمعرات 16 جولائی 2015 11:51

لندن ۔ 16 جولائی (اُردو پوائنٹ اخبار تازہ ترین۔ 16 جولائی۔2015ء) آسٹریلوی ٹیم ایشز سیریز کھیلنے کیلئے میگ لیننگ کی قیادت میں جیت کا عزم لئے انگلینڈ پہنچ گئی، دونوں ٹیموں کے درمیان سیریز کا آغاز 21 جولائی کو پہلے ون ڈے میچ سے ہو گا۔

(جاری ہے)

آسٹریلیا کی ویمن ٹیم نے 2013ء میں ویمنز ورلڈ کپ، 2014ء میں ٹی ٹونٹی ورلڈ کپ اپنے نام کیا تھا اور اب اس نے رواں برس انگلینڈ کے خلاف ایشز سیریز جیتنے پر نظریں مرکوز کر رکھی ہیں لیکن اسے میزبان ٹیم کا چیلنج درپیش ہے، آسٹریلیا کی ویمن ٹیم گزشتہ 14 برس سے انگلینڈ کی سرزمین پر ایشز سیریز جیتنے میں کامیاب نہیں ہوئی۔

دونوں ٹیموں کے درمیان ایشز سیریز میں تین ون ڈے، ایک ٹیسٹ اور تین ٹی ٹونٹی میچوں کی سیریز کھیلی جائے گی۔ آسٹریلوی ٹیم کی کوچ میتھیو موٹ نے اپنے بیان میں کہا کہ گزشتہ دس سالوں کے درمیان ٹیم کی کارکردگی اس کی صلاحیتوں کا منہ بولتا ثبوت ہے اور اب انگلینڈ کی سرزمین پر ایشز سیریز جیتنے کا وقت آ گیا ہے اور تمام کھلاڑی اس چیلنج سے نمٹنے کیلئے تیار ہیں۔

Facebook Twitter Google + Share on Whatsapp

انگلینڈ اور آسٹریلیا کے درمیان ویمن ایشز سیریز کا آغاز 21 جولائی سے ہو گا

مزید کھیلوں کی خبریں