پاکستانی فلمیں بھی اب بھارتی سینما گھروں کی زینت بننے لگیں

منگل 11 اگست 2015 12:19

کراچی(اُردو پوائنٹ اخبار تازہ ترین۔ 11 اگست۔2015ء) پاکستانی فلموں کو بھارت میں ریلیز کرنے کے لیے عرصہ سے جاری کوششیں کامیاب ہورہی ہیں اور اب پاکستانی فلمیں بھی بھارتی سینماگھروں میں نمائش کے لیے پیش کی جارہی ہیں ۔حال ہی میں پاکستانی فلم ” بن روئے“ بھارت کے مختلف شہروں میں نمائش کے لیے پیش کی گئی جہاں بھارتی فلم بینوں نے پاکستانی فلم کا شاندار خیر مقدم کیا اور فلم دیکھ کر خوشی کااظہار کیا، ایک اور پاکستانی فلم ”رانگ نمبر“ بھی انڈیا میں نمائش کے انتظامات کیئے جاچکے ہیں۔

(جاری ہے)

اس فلم کے پروڈیوسر حسن ضیاء نے گزشتہ دنوں بھارت کا دورہ کیا اور وہاں کی فلم اور سنیما انڈسٹری کی اہم شخصیات سے ملاقات کی،جس کے بعد اس بات کے امکانات ہیں کہ یہ فلم بھی رواں ماہ میں بھارت کے سنیماوٴں میں نمائش کے لیے پیش کردی جائے گی،مزید پاکستانی فلموں ہلہ گلہ، دیکھ مگر پیار سے اور جوانی پھر نہیں آنی بھی بھارتی سنیماوٴں میں نمائش کے لیے پیش کرنے کے لیے معاملات طے کیے جارہے ہیں۔یادرہے کہ گزشتہ ایک سال سے پاکستان اور بھارت کی فلم انڈسٹری کی نامور شخصیات اس کوشش میں مصروف تھے کہ دونوں ممالک کے درمیان فلموں کے تبادلے کے سلسلے کو یقینی بنانے کے لیے اقدامات کیے جائیں۔

Facebook Twitter Google + Share on Whatsapp

پاکستانی فلمیں بھی اب بھارتی سینما گھروں کی زینت بننے لگیں

مزید فن و فنکار کی خبریں