پاکستان کا یوم آزادی ، معروف سرچ انجن گوگل بھی جشن آزادی کے رنگوں میں رنگ گیا۔

سمیرا فقیرحسین جمعہ 14 اگست 2015 11:06

(اردو پوائنٹ تازہ ترین اخبار. 14 اگست 2015 ء) : پاکستان کے یوم آزادی کے موقع پر عالمی شہرت یافتہ سرچ انجن گوگل بھی جشن آزادی کے رنگوں میں رنگ گیا ہے۔ پاکستانیوں کو جشن آزادی کا تحفہ دینے کے لیے عالمی شہرت یافتہ سرچ انجن گوگل بھی پاکستانیوں کے سنگ جشن آزادی کی خوشیاں منا رہا ہے۔

(جاری ہے)

69ویں یوم آزادی کے موقع پر گوگل نے ایک نیا ڈوڈل متعارف کروادیا ہے، جو پاکستانیوں کے لیے جشن آزادی کا خاص تحفہ ہے۔

اس مرتبہ گوگل نے پاکستانیوں کو جشن آزادی کی مبارکباد دینے کے لیے ڈوڈل میں لاہور کا شاہی قلعہ نمایاں کیا ہے، جبکہ گذشتہ برس گوگل نے یوم آزادی پر اسلام آباد میں واقع قومی یادگار یا پاکستان مونومنٹ کی تصویر کے ذریعے مبارکباد دی تھی۔ واضح رہے کہ پاکستان میں بسنے والے تمام انٹرنیٹ صارفین کو 14اگست پر سرچ انجن کھولتے ہی گوگل کی جانب سے جشن آزادی کا پیغام موصول ہوجائے گا۔