دوسری جنگ عظیم میں گمشدہ بٹوا 70 سال بعد مالک کو مل گیا
فہد شبیر اتوار 16 اگست 2015 22:17
واشگنٹن(اُردو پوائنٹ اخبارتازہ ترین۔16اگست۔2015ء)91 سالہ الیجیو راموس نے اپنی زندگی میں نہیں سوچا ہوگا کہ دوسری جنگ عظیم میں گم ہوا اُس کا بٹوہ اسے 70 سال بعد واپس مل جائے گا۔ الیجیو راموس نے نوجوان امریکی فوجی کے طور پر مغربی یورپ میں اپنی خدمات سرانجام دی اور نظربندی کے کئی کیمپوں سے قیدیوں کو رہائی دلائی۔ 1945 میں اس کی بٹالین نے آسٹریا میں رک ہوفر نامی شخص کے فارم ہاؤس پر قیام کیا۔
قیام کے دوران الیجیو راموس نے اپنا بٹوہ فارم ہاؤس کے فرش کے تختوں کے نیچے چھپا دیا کہ بعد میں اٹھا لے گا مگر بدقسمتی سے اس کی یونٹ وہاں سے چلی گئی اور الیجیو راموس اپنا بٹوا اٹھانا بھول گیا۔اس بٹوے میں الیجیو راموس کے گھر والوں کی تصویریں اور کچھ دوسری چیزیں تھیں ، جن سے اسے جذباتی لگاؤ تھا۔(جاری ہے)
70 سال بعد الیجیو راموس اپنی بیٹی ، 72 سالہ سیلویا گونزالیز کے ساتھ بیٹھا ناشتہ کر رہا تھا کہ اسے ڈاک سے ایک خط ملا۔
یہ خط رک ہوفر کے پوتے ڈاکٹر جوزف رک ہوفر نے لکھا تھا۔ڈاکٹر جوزف کو یہ فارم ہاؤس اپنے دادا سے میراث میں ملا تھا۔اس نے جب فارم ہاؤس کے فرش کو توڑا تو اس میں سے الیجیو راموس کا بٹوا بھی مل گیا۔ڈاکٹر جوزف نے ملٹری آئی ڈی نمبر کی مدد سے الیجیو راموس کا پتہ چلایا اور اس تک یہ بٹوا پہنچا دیا۔ الیجیو راموس ،جو وی اے ہوسپیٹل، فریسنو، کیلی فورنیا میں رہتا ہے، نے 70 سال بعد اپنے لیدر کے بٹوے کو چھو کر محسوس کیا ہے۔ اس بٹوے میں اس کے خاندان کی تمام تصویریں پہلے کی طرح محفوظ تھیں۔مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.