آل کراچی جشن برما محمڈن فٹ بال ٹورنامنٹ میں مزید 8میچوں کا فیصلہ

پیر 17 اگست 2015 16:07

کراچی (اُردو پوائنٹ اخبار تازہ ترین۔ 17 اگست۔2015ء) برما محمڈن فٹ بال کلب کے زیر اہتما م جاری آل کراچی 40سالہ جشن برما محمڈن فٹ بال ٹورنامنٹ میں مزید 8میچوں کے فیصلے ہوگئے ۔ٹورنامنٹ میں کھیلے گئے پہلے میچ میں الشہباز کورنگی نے کورنگی ریڈ کو 1-0سے شکست دیدی ،منظور با با نے فیصلہ کن گول اسکور کیا ۔دوسرے میچ میں مکران اسپورٹس نے جانباز اسپورٹس لانڈھی کو پنالٹی ککس پر 3-1 سے ہرادیا ۔

تیسرے میچ میں تنظیم اسپورٹس گذری نے کھیل میں بر ابری کے بعد ملیر اسٹار کو پنالٹی ککس پر 3-2سے شکست دیدی ۔

(جاری ہے)

چوتھے میچ میں گل بلوچ ملیر نے نورانی اسٹار کو 4-3سے مات دیدی ۔پانچویں میچ میں ڈرگ روڈ یونین نے مد مقابل جانباز اسپورٹس سلطان آباد کو 4-3سے شکست دیدی ،چھٹے میچ میں ساحل محمڈ ن نے جھولے لعل کلب کو 1-0سے ٹھکانے لگا دیا ۔ساتویں میں ملیر شاہین نے عمدہ کھیل کی بدولت چنیسر بلو کو 4-1سے شکست دیدی۔

اٹھویں میچ میں ہزارہ محمڈن نے شاہین افغان کو 4-2سے زیر کرکے اگلے مرحلے کے لئے کوالیفائی کرلیا ۔ٹورنامنٹ میں کھیلے گئے میچوں میں ریفریز کے فرائض محمد شفیع ،سعید عالم ،عبدالغنی کے پی ٹی اور شکیل راجر نے انجام دیئے جبکہ میچ کمشنر ایچ ایم حنیف اور میڈیا کوارڈینٹر شیر افضل تھے ۔

Facebook Twitter Google + Share on Whatsapp

آل کراچی جشن برما محمڈن فٹ بال ٹورنامنٹ میں مزید 8میچوں کا فیصلہ

متعلقہ عنوان :

مزید کھیلوں کی خبریں