وفاقی وزیر نیشنل فوڈ سیکورٹی اینڈ ریسرچ کی زیر صدارت اجلاس ، بین الاقوامی مارکیٹ میں سویابین اور دالوں قیمتوں کی کمی کے متبادل کے طور پر پیش آنے والی مشکل صورت حال پر قابو پانے کے لئے وسیع تر بنیادوں پر حکمت عملی وضع کرنے پراتفاق
2014-15ء میں چاول کی پیداوار کا اندازہ تقریباً 7ملین ٹن لگایا گیا ہے، بین الاقوامی مارکیٹ میں چاول کی رسد اور طلب میں توازن کے باعث چاول کی قیمت مستحکم رہنے کا امکان ہے ، زرعی پالیسی کے ادارہ کے ڈائریکٹر جنرل کی بریفنگ
منگل 18 اگست 2015 23:03
اسلام آباد ( اُردو پوائنٹ اخبار تازہ ترین۔ 18 اگست۔2015ء ) وفاقی وزیر برائے نیشنل فوڈ سیکورٹی اینڈ ریسرچ سکندر حیات خان بوسن نے بین الا قوامی مارکیٹ میں اجناس کی گرتی ہوئی قیمتوں اور بڑھتی ہوئی پیداواری لاگت کے باعث کسانوں کی حالت زار کا جائزہ لینے کے سلسلے میں اجلاس کی صدارت کی جس میں زرعی پالیسی انسٹی ٹیوٹ کے ڈائریکٹر جنرل ڈاکٹر اسلم گل اور کاٹن کمشنر ڈاکٹر خالد عبداﷲ نے وزیر کو چاول اور کپاس کی2015-16ء کی فصل کی بالترتیب قیمتوں کے مداخل کے بارے میں بریف کیا۔
زرعی پالیسی کے ادارہ کے ڈائریکٹر جنرل نے بتایا کہ 2014-15ء میں چاول کی پیداوار کا اندازہ تقریباً 7ملین ٹن لگایا گیا ہے بین الاقوامی مارکیٹ میں چاول کی رسد اور طلب میں توازن کے باعث چاول کی قیمت مستحکم رہنے کا امکان ہے ۔(جاری ہے)
ایگری کلچرل پالیسی انسٹی ٹیوٹ نے تجویز کیا ہے کہ حکومت 2015-16ء کے لئے پنجاب میں دھان کی قیمت باسمتی چاول کے لئے تقریباً 1800روپے فی 40کلو گرام مقرر کر سکتی ہے اور سندھ میں ضرورت کے تحت آئی آر آر آئی کی قیمت 850روپے فی 40کلو گرام مقرر کر سکتی ہے ۔
ملک میں پیدا وار کی پائیداری یقینی بنانے کے لئے اس بات پر اتفاق کیا گیا کہ حکومت چاول کے کاشت کاروں کی امداد کے لئے مناسب وقت پر دھان کی پنیری کی قیمتوں کے مداخل کا تعین کرے گی۔کاٹن کمشنر نے بریفنگ دیتے ہوئے بتایا کہ کپاس کی پیداوار 12-13ملین گانٹھیں تھی اور ٹریڈنگ کارپوریشن آف پاکستان کے پاس ابھی تک 16ہزار گانٹھیں موجود ہیں ۔ اجلا س میں کپاس کی آئندہ آنے والی فصل کی قیمتوں کے مداخل کے مختلف میکنزمز بارے تبادلہ خیال بھی کیا گیا ۔اجلاس میں یہ بات بھی اجاگر کی گئی کہ زائد پیداوار کے باوجود زرعی پیداوار کی برآمد کم رہی کیونکہ پاکستان مارکیٹنگ کے شعبہ میں ابھی پیچھے ہے ۔ وفاقی وزیر نے مارکیٹنگ اور پاکستان کی زرعی پیداوار کی برانڈنگ پر فوری طور پر بھر پور توجہ دینے کی ہدایت کی ۔ وزارت نیشنل فوڈ سیکورٹی اینڈ ریسرچ کے سیکرٹری نے تجویز کیا کہ فصلوں کی کاشت کی طرز اور طریقوں پر نظر ثانی کی جانی چاہئیے اورکسانوں کو سویابین اور دالوں کے علاوہ بڑی بڑی فصلوں کی کاشت کے لئے ترغیبات اور مراعات دی جانی چاہئیں۔اس بات پر بھی اتفاق کیا گیا کہ بین الاقوامی مارکیٹ میں قیمتوں کی کمی کے متبادل کے طور پر پیش آنے والی مشکل صورت حال پر قابو پانے کے لئے وسیع تر بنیادوں پر حکمت عملی وضع کی جانی چاہئے اور اس ضمن میں وزیر اعظم کی قیادت میں صوبوں کو بھی ساتھ لے کر چلنا چاہئیے ۔ اجلاس میں پنجاب کے وزیر زراعت ڈاکٹر فرخ جاوید ، کے پی کے کے ایڈیشنل سیکرٹری زراعت ،چیئر مین پاکستان زرعی تحقیقاتی کونسل اور وزارت نیشنل فوڈسیکورٹی اینڈ ریسرچ کے ایڈیشنل سیکرٹری نے بھی شرکت کی۔مزید اہم خبریں
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.